Tags-Waqt

kabhī kabhī to zindagiyāñ kuchh itne vaqt meñ apnī murādeñ hāsil kar letī haiñ
jitne vaqt meñ luqma plate se muñh meñ pahuñchtā hai... aur

kartā thā bahut sā mujh pe da.avā
par vaqt-e-hisāb kuchh na niklā

munsif-e-vaqt haqīqat hai haqīqat hai ḳhudā
ḳhauf lāzim hai bahar-taur har ik hal ke liye

vaqt to vaqt hai ruktā nahīñ ik pal ke liye
ho vahī baat jo qaa.em bhī rahe kal ke liye

balā se aap na aa.eñ pe aadmī un kā
tasallī aa ke mujhe vaqt-e-iztirāb to de

tumhāre matla-e-abrū pe ye kahe hai ḳhaal
ki aisā nuqta koī vaqt-e-intiḳhāb to de

vaqt par aag vaqt par paanī
zindagī bhar kā tajraba sā kuchh

āḳhirī vaqt talak saath andheroñ ne diyā
raas aate nahīñ duniyā ke ujāle mujh ko

aayā hai vaqt aisā jo pahle na thā kabhī
dushvār rāsta bhī hai manzil hai duur abhī

mujh par bhī vaqt aa ke paḌe haiñ yahāñ kaḌe
ye vo zamīñ hai jis pe gire haiñ baḌe baḌe

vaqt rūThā rahā bachche kī tarah raah meñ koī khilaunā na milā
dostī kī to nibhā.ī na ga.ī dushmanī meñ bhī adāvat na huī

vaqt ne rañg bahut badle kyā kuchh sailāb nahīñ aa.e
mirī āñkheñ kab vīrān huiiñ kab tere ḳhvāb nahīñ aa.e

badaltī dekhīñ vafādāriyāñ bhī vaqt ke saath
vafā jahāñ ke liye ek kārobār rahī

qaid-e-hastī se chhūTne vaalā
vaqt ke imtihān se niklā

miTā sakā na kabhī vaqt kā ġhubār use
fasīl-e-shab pe lahū kā nishān baaqī hai

ātish-o-āb-o-havā ḳhāk-o-ḳhalā-o-aflāk
kitne qiloñ pe ba-yak-vaqt hai yalġhār mirī

hai roz-e-raushan bhī tīra-qismat
ye raaz vaqt-e-ġhurūb jaanā

suntā hai yahāñ kaun samajhtā hai yahāñ kaun
ye shaġhl-e-suḳhan vaqt-guzārī ke liye hai

kab se rāhoñ meñ tirī gard bane baiThe haiñ
tujh se milne ke liye vaqt ko Taale hue log

raat pīchhe paḌ ga.ī thī ḳhauf ke saa.e liye
ḳhvāb se aage nikal kar vaqt meñ tarmīm kī