Tags-Waqt

dil-nashīñ hai ġhuncha-e-nau-vaqt lekin kab talak
dil lahū hai shāḳh-e-gul kī kaj-kulāhī dekh kar

harf-e-be-ma.anī se behtar hai navā-e-be-sadā
ro paḌā maiñ vaqt kī vīrāñ-nigāhī dekh kar

muḳhālif āñdhiyoñ meñ azm ke dīpak jalātā huuñ
kabhī jab vaqt paḌtā hai to ḳhud ko āzmātā huuñ

koī to kār-e-jahāñ ham-nafaso
jo mire vaqt kī qīmat Thahre

azm mazbūt hausle mohkam
vaqt kis shai kā naam hai yaaro

vaqt-e-ruḳhsat aa gayā dil phir bhī ghabrāyā nahīñ
us ko ham kyā kho.eñge jis ko kabhī paayā nahīñ

ye nayā din hai magar vaqt kahāñ Thahrā hai
sāmne khūñTī se laTkā hai mirā garm libās

jāda-e-rah ḳhur ko vaqt-e-shām hai tār-e-shuā.a
charḳh vā kartā hai māh-e-nau se āġhosh-e-vidā.a

mizāj-e-vaqt moharram safar pe baat kareñ
sadī kā karb to mansūb hai mahīnoñ se

maiñ ne dekhī hai vaqt kī karvaT
mujh ko dekho ki ik basīr huuñ maiñ

ab ḳhudā jaane kahāñ le jā ke bikhrā.e havā-e-vaqt mujh ko
aao haath apnā baḌhā kar tum bhī merī ḳhaak chuTkī-bhar nikālo

chāhūñ ki haal vahshat-e-dil kuchh raqam karūñ
bhāgeñ hurūf vaqt-e-nigārish qalam se duur

maiñ apne vaqt meñ apnī ridā meñ rahtā huuñ
aur apne ḳhvāb kī āb-o-havā meñ rahtā huuñ

hamārī raat se behtar thī agle vaqt kī raat
har ek ghar meñ diyā sub.h tak to jaltā thā

bigaḌ ga.e the jise sun ke vaqt ke tevar
jahāñ ko baat vahī phir sunā ke dekhte haiñ

ḳhushī kā vaqt hai aur aañkh pur-nam hotī jaatī hai
khilī hai dhuup aur bārish bhī chham-chham hotī jaatī hai

piye hoñ kitnī hī lekin ye hosh rahtā hai
ki sote vaqt vo zevar utaar lete haiñ

jamā ye rañg ki ab vaqt-e-zamzama-sanjī
chaman meñ mujh ko anādil pukār lete haiñ

gunāhgār haiñ itne hī un butoñ ke ham
ki pāñch vaqt ḳhudā ko pukār lete haiñ

sharāb ke liye mai-nosh muñh haiñ phailā.e
jam.hā.īyāñ nahīñ vaqt-e-ḳhumār lete haiñ