Tags-Waqt

asā-e-mūsā kabhī haath lag gayā hotā
fir.aun-e-vaqt kā sar ham bhī phoḌ kar aate

vo kaash vaqt ke pahre ko toḌ kar aate
jo mahv-e-ḳhvāb haiñ un ko jhiñjhoḌ kar aate

mirī jaan aaj kā ġham na kar ki na jaane kātib-e-vaqt ne
kisī apne kal meñ bhī bhuul kar kahīñ likh rakhī hoñ masarrateñ

zindagī se haath ham ne dho liye
vaqt ik bahtā huā dariyā lagā

be-hirs-o-havā be-ḳhauf-o-ḳhatar is haath pe sar is kaf pe jigar
yuuñ kū-e-sanam meñ vaqt-e-safar nazzāra-e-bām-e-nāz kiyā

mohabbat jin ke dil kī dhaḌkanoñ ko tez rakhtī hai
vo aksar vaqt kī raftār se aage bhī chalte haiñ

fasīl-e-vaqt se āzād ho ke merī zabāñ
qubūl-e-ām huī dasht kī sadā kah kar

karoge yaad to har baat yaad aa.egī
guzarte vaqt kī har mauj Thahar jā.egī

paḌī nahīñ hai tumheñ vaqt kī abhī tak maar
bhugat sakoge bhī kyā tum zabāñ to kholī hai

kahkashāñ se shumāl kī jānib
vaqt ke be-nishān mehvar par

vasl arzāñ vaqt kī lekin farāvānī ga.ī
baḌh ga.ī jitnī suhūlat utnī āsānī ga.ī

shikast-e-rañg pe mastī meñ hañste haiñ ham bhī
dikhā.eñge unheñ vaqt-e-ḳhumār ā.īna

vaqt thā us kī ruḳhsat kā aur laTe thī maiñ
gaaḌī ke saare Dabbe bhī ik se the

vaqt-e-ravā-ravī hai uThe qāfila ke log
saaqī chale piyāla jahāñ tak ki bas chale

kyā burā vaqt paḌā shahr-e-vafā par 'mahshar'
mujh ko hī DhūñDtī hai merī vafā mere ba.ad

maiñ ne jal kar na diyā maslahat-e-vaqt kā saath
kyā ḳhabar kaun jalā kaun bujhā mere ba.ad

ham bhī 'munīr' ab duniyā-dārī kar ke vaqt guzāreñge
hote hote jiine ke bhī laakh bahāne aa jaate haiñ

meyār-e-fan pe vaqt kā jaadū na chal sakā
duniyā qarīb ho ke bahut duur hī rahī

aanā ho to naza.a meñ huuñ aao
ye vaqt nahīñ hai iltavā kā

ab aa.e ho ban ke tum masīhā
jab vaqt guzar chukā davā kā