Tags-Waqt

aao mil jaao ki ye vaqt na pāoge kabhī
maiñ bhī ham-rāh zamāne ke badal jā.ūñgā

nāzil ho jism o ruuh pe jab be-hisī kā qahr
us vaqt dosto ye ġhazal gungunā.ī jaa.e

zaḳhm tartīb de rahā huuñ maiñ
aur kuchh vaqt de udhār mujhe

sūfiyoñ buzurgoñ ne naqsh-e-pā jo chhoḌe the sab miTā diye tū ne
vaqt ke darinde ab kusht-o-ḳhūn kā ik ik rāsta mubārak ho

yahī vaqt sail-e-ravāñ liye mirī kashtiyoñ ko Dubo gayā
koī lahar āb-e-hayāt kī abhī gañg meñ na jaman meñ hai

na badalnā thā na badlā dil-e-shaidā apnā
rañg har vaqt badaltī rahī duniyā apnā

vaqt qarīb hai phir manzar ke badalne kā
sūraj kī zid dekho ye nahīñ Dhalne kā

tanūr-e-vaqt kī hiddat se Dar ga.e ham bhī
magar tapish meñ tape to nikhar ga.e ham bhī

ai 'zauq' vaqt naale ke rakh le jigar pe haath
varna jigar ko ro.egā tū dhar ke sar pe haath

chhaT ga.e hālāt ke bādal to dekhā jā.egā
vaqt se pahle añdhere meñ na jaao chup raho

yād-e-qad-e-sanam meñ maiñ duuñ misāl us vaqt
jab kaam koī merā sarv-e-chaman se nikle

dhuñd to poñchhī bhī jā saktī hai chashme ke shīshoñ se
vaqt kī raakh paḌī rahtī hai ThanDe ātish-dānoñ meñ

vaqt alfāz kā mafhūm badal detā hai
dekhte dekhte har baat purānī hogī

suno ham daraḳhtoñ se phal toḌte vaqt
un ke liye mātamī dhun bajāte nahīñ

chalo ki donoñ hoñ gardāb-e-ittisāl meñ ġharq
na jaane vaqt kise sāhil-e-judā.ī de

kitne ḳhush-rañg badan dhuul hue
vaqt kī chaal magar baaqī hai

vaqt mujh se pare
vaqt tujh se pare

vaqt zaḳhm bhartā hai aur yuuñ bhī hotā hai
umr biit jaatī hai ek zaḳhm bharne meñ

zindagī ho kaisī bhī us se jī nahīñ bhartā
varna sirf hotā hai kitnā vaqt marne meñ

kis nigāh-e-garm se dekhā hai us ne vaqt qatl
aah ThanDī paḌ ga.ī dam ghuT gayā fariyād kā