Tags-Waqt

ab vaqt-e-safar aa pahuñchā hai aa mil baiTheñ do-chār ghaḌī
jab pahle-pahal tum aa.e the āġhāz-e-sahar kā mela thā

aql-o-dānish meñ kisī se nahīñ kamtar ham log
vaqt vāqif hai ki haiñ kitne qad-āvar ham log

koī haath dashna-e-jāñ-sitāñ koī haath marham-e-parniyāñ
ye to haath haath kī baat hai koī vaqt pā ke sañvar ga.ī

is qadar pyaar se ai jān-e-jahāñ rakkhā hai
dil ke ruḳhsār pe is vaqt tirī yaad ne haat

merī sohbat kā natīja hai ki saare mazlūm
ek hī vaqt meñ bebāk huā chāhte haiñ

koī hāsil na thā aarzū kā magar sāneha ye hai ab aarzū bhī nahīñ
vaqt kī is masāfat meñ be-ārzū tum kahāñ jāoge ham kahāñ jā.eñge

barf pighal kar dariyā to tuġhyānī laa.e
kyuuñ chaḌhtā hai vaqt kā dariyā kaun likhegā

ba-qaid-e-vaqt ye muzhda sunā rahā hai koī
ki inqalāb ke parde meñ aa rahā hai koī

har mulāqāt kā anjām judā.ī kyuuñ hai
ab to har vaqt yahī baat satātī hai hameñ

chehre kī chāñdnī pe na itnā bhī maan kar
vaqt-e-sahar to rañg kabhī chāñd kā bhī dekh

o bādal kab pyaas bujhāne aa.egā
vaqt guzartā jaa.e terī kal kal meñ

siyāh raat nahīñ letī naam Dhalne kā
yahī to vaqt hai sūraj tire nikalne kā

ārām se ik lamha bhī jiinā nahīñ mumkin
har vaqt mire zehn meñ rahtī hai na.ī soch

hamāre sāmne ab aisā vaqt aa pahuñchā
ki ham dimāġh ko bāñdheñ dil-o-jigar kholeñ

yā sirf Dagar thī vaqt na thā
ab sirf hai vaqt kā naam Dagar

ādamiyoñ ke is maile meñ
vaqt kī uñglī pakḌe pakḌe

sabā mū-e-zulf us kā TuuTe to Dar hai
ki ik vaqt meñ ye siyah-mār hogā

haa.e vahshat koī manzil ho Thahartā hī nahīñ
vaqt hai daam se chhūTe hue aahū kī tarah

sāqī-e-vaqt ne jab chhīn lī hāthoñ se sharāb
maiñ ne Takrā diyā paimāne se paimāne ko

maiñ ne tā-hadd-e-nazar dekhā koī monis na thā
dopahar ke vaqt barqī-mauj lahrāne ke ba.ad