Tags-Waqt

jis vaqt tasalliyāñ koī de
us vaqt kā iztirāb tauba

har roz hī ik nayā sitam hai
har vaqt hai ik itaab tauba

phir bhī peshānī-e-tūfāñ pe shikan baaqī hai
Dūbte vaqt bhī dekhā na kināra ham ne

vaqt-e-āḳhir yaad hai saaqī kī mehmānī mujhe
marte marte de diyā añgūr kā paanī mujhe

narm-o-nāzuk thā 'karāmat' tire sheroñ kā mizāj
vaqt paḌne pe magar sho.ala-bayānī likkhī

kaun sā vaqt amal kā hai javānī ke sivā?
niiñd kab aatī hai? pūchhā to javānī likkhī

merī nādānī dikhātī hai karishme jab bhī
sāhab-e-vaqt kī dānā.ī burā māntī hai

mil hī jā.ūñgā ga.e vaqt meñ ik din 'shāriq'
lauh-e-imkān pe īzād na kar luuñ ḳhud ko

vaqt kā sail bahā le gayā sab kuchh varna
pyaar ke Dher lage the mire gul-dānoñ meñ

hākim-e-vaqt se bezār ye jaagī maḳhlūq
jabr-o-bedād ko ab ke na sahegī shāyad

mire valvaloñ ke mizāj bhī ba-lihāz-e-mausam-e-vaqt haiñ
kabhī sard aah meñ jal ga.e kabhī ashk ban ke pighal ga.e

kisī kā jism shikār-e-nahañg-e-vaqt-e-ḳhizāñ
kisī kī saañs fazā-e-girāñ meñ baiTh ga.ī

vaqt kā sūraj jalan ke ruup meñ jab aa gayā
sañg-tan par dhuup ke sailāb ko rokā gayā

jo vaqt-e-ḳhatna maiñ chīḳhā to naa.ī ne kahā hañs kar
musalmānī meñ tāqat ḳhuun hī bahne se aatī hai

vaqt ab sar pe vo aayā hai ki sar yaad nahīñ
tere dīvānoñ ko bhī ab tirā dar yaad nahīñ

maiñ ne pūchhā hai ki chaa.e ke liye vaqt koī
hañs ke bolī hai ishāre se ghaḌī Thiik nahīñ

māñgnā jurm hai fankār se tartīb-e-ḳhayāl
gesū-e-vaqt jab āshufta-bayānī māñge

toḌiye maslahat-e-vaqt kī dīvāroñ ko
raah jis vaqt tabī.at kī ravānī māñge

qalīl vaqt meñ yuuñ maiñ ne irtikāz kiyā
bas ik jahān ke andar ka.ī jahān liye

nasha chaḌhne lagā hai aur chaḌhnā chāhiye bhī thā
abas kā nirḳh to is vaqt baḌhnā chāhiye bhī thā