Tags-Waqt

hadaf hoñge tumhārā kaun tum kis ke hadaf hoge
na jaane vaqt kī paikār meñ tum kis taraf hoge

hai ḳhizāñ kī zad pe abhī talak ruḳh-e-'sumbul' dil-e-yāsmīñ
abhī intizār kā vaqt hai abhī jashn-e-gul na manā.iye

vaqt-e-āḳhir koī aatā hai kisī ke kaam kab
kaam aa.e jo mire vo mere hī upkār the

ham se jo karte rahe va.ade hamesha be-shumār
vaqt paḌne par mukarne ko sadā tayār the

jin kitāboñ pe salīqe se jamī vaqt kī gard
un kitāboñ hī meñ yādoñ ke ḳhazāne nikle

maiñ intizār karūñgī
us vaqt kā

añdherā chhāyā to saa.e ne saath chhoḌ diyā
sunā hai vaqt pe apne hī kaam aate haiñ

bad-ahdiyoñ meñ vaqt-e-vafāt aan bhī pahuñchā
vaada na huā ek vafā yaar se ab tak

yahāñ kis ko fursat ki āġhāz o anjām ko yaad rakkhe
sabhī ko ye tashvīsh hai vaqt kā darmiyāñ kho na jaa.e

ise vaqt kā jabr kahiye ki bechārgī jism o jaañ kī
makāñ khone vāloñ ko Dar hai ki ab lā-makāñ kho na jaa.e

shab meñ thiiñ chāroñ taraf shādābiyāñ
hādisa vaqt-e-sahar kuchh aur hai

raqam karne kuuñ vasf-e-zulf-e-dildār
mujhe har vaqt mashq-e-lām hai bas

sunā hai dhuup ko ghar lauTne kī jaldī hai
vo aaj vaqt se pahle hī shaam kar degī

sunahre vaqt meñ reg-e-ravāñ ye phuul khilā
vo qissa pyaar kā le kar ga.e haiñ ḳhvāb kahāñ

bārīk haiñ dahan se tire vaqt-e-ḳhanda yaar
karte haiñ dīd-e-hastī o sair-e-adam baham

maiñ kul huuñ aur tū juz meñ bhī kul hai ai 'manzūr'
bichhaḌte vaqt mujhe ye ḳhitāb de ke gayā

aah naale dard-o-ġham aḳhtar-shumārī raat kī
ai masīh-e-vaqt in sab kī davā to ek hai

duur hoñ chāra-garān-e-vaqt bas ab duur hoñ
'asr' kī taklīf kā dard-āshnā to ek hai

ham ko bhī kuchh vaqt de ai jān-e-mahfil
ham ne bhī do ek afsāne gaḌhe haiñ

āḳhrī vaqt meñ jiine kā sahārā hai yahī
terī yādoñ se baġhāvat bhī nahīñ kar sakte