Tags-Waqt

vaqt ke hāthoñ hikāyāt-e-anā bhuul ga.e
ham vafā bhuul ga.e aap jafā bhuul ga.e

tū mujhe bante bigaḌte hue ab ġhaur se dekh
vaqt kal chaak pe rahne de na rahne de mujhe

fasleñ bītīñ mausam badlā aur vaqt ne yuuñ kyā kuchh na kiyā
vo daaġh na dil se duur huā ik umr kaTī dhote dhote

ab sañvarne kā vaqt us ko nahīñ
jab hameñ dekhne kī fursat hai

us vaqt jaan pyāre ham pāvate haiñ jī sā
lagtā hai jab badan se taire badan hamārā

ye lamha-e-umīd bhī hai vaqt-e-ḳhauf bhī
hāsil na hogā is kā badal jāgte raho

ki jaise vaqt guzarne kā kuchh na ho ehsās
usī tarah vo sharīk-e-safar hayāt meñ hai

dekh rahā huuñ guzre vaqt kī tasvīreñ
utre haiñ yādoñ ke mahmil āñkhoñ meñ

maiñ vaqt kī suuī se bañdhā rahtā huuñ varna
sahrā meñ bahut ret uḌātā nazar aatā

vaqt kī adālat kā faisla yahī hai ab
maiñ bhī ik ḳhasārā huuñ tū bhī ik ḳhasārā hai

kab aaoge ye ghar ne mujh se chalte vaqt pūchhā thā
yahī āvāz ab tak gūñjtī hai mere kānoñ meñ

kis qadar ḳhush-fahm the jo log agle vaqt meñ
masjideñ banvā diyā karte the but-ḳhānoñ ke saath

gardish-e-gardūñ ḳhalal-andāz mai-ḳhāna ho kyā
vaqt rahtā hai yahāñ gardish meñ paimānoñ ke saath

jal rahe the hare-bhare jañgal
aisī be-vaqt aag phailī thī

dekhā thā jab ki pahle-pahal us ne ā.īna
us vaqt maiñ vahāñ na huā kuchh nahīñ huā

qadam qadam pe yahāñ karbalā.eñ phailī haiñ
maiñ vaqt-e-asr kā hañgām honā chāhtā huuñ

tañgi-e-vaqt kā mātam nahīñ rukne vaalā vaalā
arsa-e-hijr baḌhāte hue Dartā huuñ maiñ maiñ

ek din vaqt kā jhulsā huā mailā chehra
ik dil-afroz jilā pā.egā

jaam de aur na kar vaqt pe takrār ki bas
sāqiyā abr uThā hai ye dhuāñ-dhār ki bas

dardnāk chehroñ par muskurāhaTeñ oḌhe ḳhud ko jā-ba-jā becheñ
ham 'tapish' tumheñ guzrā vaqt maan kar socheñ aao phir ġhazal kah leñ