Tags-Waqt

merī raa.e meñ 'iqbāl' vo nasl duniyā meñ hai aur nahīñ
jis ne baḳhshā na kuchh vaqt ko jis ne paayā na kuchh dahr se

vaqt kā ronā rone vaale vaqt ko zaa.e karte haiñ
palkoñ se lamhoñ kī kircheñ chunñe kā sāmān kareñ

taḳhtī-e-shab pe likh diyā vaqt ne ye bhī vāqi.a
zard havā ke sāmne sīna-sipar rahā charāġh

vaqt-e-sahar jo pūchh le koī to kyā batā.ūñgā
tāq-e-junūñ pe rāt-bhar kis ke liye jalā charāġh

dīvāngī ho aql ho ummīd ho ki yaas
apnā vahī hai vaqt pe jo kaam aa gayā

kyuuñ jhulas Daalā hai us ne mere ḳhadd-o-ḳhāl ko
vaqt ik dariyā thā lekin aag kā dariyā na thā

aise bhī vaqt aa.e haiñ ishq kī vārdāt meñ
mastiyāñ jhuum jhuum uThīñ dīda-e-kā.ināt meñ

vaqt kī dastaras nahīñ bazm-e-gah-e-ḳhayāl tak
ruḳh pe ġhubār hī sahī yaad javāñ hai aaj bhī

ishq ko niiñd aa ga.ī vaqt pe os paḌ ga.ī
apne junūñ ke dasht meñ dhuup javāñ hai aaj bhī

munsif-e-vaqt se begāna guzarnā hogā
faisla apnā hameñ aap hī karnā hogā

vaqt kī dastaras se bāhar huuñ
maiñ na.e qāfiye kā masdar huuñ

muTThiyoñ meñ ḳhaak le kar dost aa.e vaqt-e-dafn
zindagī bhar kī mohabbat kā silā dene lage

gaañv meñ ab gaañv jaisī baat bhī baaqī nahīñ
yaanī guzre vaqt kī sauġhāt bhī baaqī nahīñ

chhat pe jaanā chāñd ko taknā kisī kī yaad meñ
vaqt ke dāman meñ vo auqāt bhī baaqī nahīñ

usī yaqīn usī dast-o-pā kī hājat hai
imām-e-vaqt ko phir karbalā kī hājat hai

ai ḳhalīfa ai na.e vaqt ke hārūn-rashīd
to rivāyāt-e-shab-e-adl se kaT kar so jā

lamhoñ ke ta.āqub meñ guzar jā.eñgī sadiyāñ
yuuñ vaqt to mil jā.egā mohlat na milegī

ā.īna-sifat vaqt tirā husn haiñ ham log
kal aa.ine tarseñge to sūrat na milegī

vaqt ko haath se kho kar koī duniyā meñ 'hafīz'
umr-bhar merī tarah sar-ba-garebāñ na rahā

jis vaqt vo ruḳhsat huā bārāt kī mānind
ik Tiis sī uTThī thī koī shor nahīñ thā