Tags-Waqt

be-kār hai shikva apnoñ kā be-sūd shikāyat ġhairoñ kī
jab vaqt burā aa jaatā hai saaya bhī gurezāñ hotā hai

vaqt se ham gila nahīñ karte
kaam koī burā nahīñ karte

vaqt mujh se mirā hāfiza chhīn le
aag meñ koī yādoñ kī kab tak chale

ham ulajhte rahe falsafī kī tarah
aur baḌhte ga.e vaqt ke mas.ale

palaT ke dekhe to vaqt Thahre vo chal paḌe to zamāna hairāñ
vo rashk-e-ambar vo māh-e-kāmil vo kahkashāñ vo shahāb jaisā

ye ishq kī me.arāj hai yā un kā karam hai
har vaqt mire sāmne tasvīr-e-sanam hai

maut qaabū kī nahīñ aur na Thikānā is kā
koī vaqt us pe bhī aa.e ki banā.e na bane

mere jism se vaqt ne kapḌe noch liye
manzar manzar ḳhud merī poshāk huā

tanhā.ī meñ karnī to hai ik baat kisī se
lekin vo kisī vaqt akelā nahīñ hotā

vo vaqt bhī aatā hai jab āñkhoñ meñ hamārī
phirtī haiñ vo shakleñ jinheñ dekhā nahīñ hotā

kis shai pe yahāñ vaqt kā saaya nahīñ hotā
ik ḳhvāb-e-mohabbat hai ki būḌhā nahīñ hotā

vaqt kā kyā hai mire yaar badal jaatā hai
aag lagtī hai to bāzār badal jaatā hai

paḌā hai jab qabīle par hamāre vaqt koī
hamāre mo'atabar ahbāb ruḳhsat ho ga.e haiñ

do roTiyāñ izzat se jo mil jaa.eñ to bas hai
darvāze pe le jaa.e na vaqt ahl-e-duval ke

roz o shab yuuñ vaqt kā dāman na kheñch
do ghaḌī ārām kar āhista chal

mizāj us vaqt hai ik matla-e-tāza pe kuchh maa.il
ki be-fikr suḳhan bantī nahīñ hargiz suḳhan-dāñ ko

ranj-o-mehnat se baaz kyūñke rahūñ
vaqt jaatā rahe to hasrat hai

vaqt hī vo ḳhat-e-fāsil hai ki ai ham-nafaso
duur hai mauj-e-balā aur kināre hue log

vo daur-e-ishq mahz bhī kiyā vaqt thā 'azīm'
jab dil pe naqsh mohr-o-nishān-e-sitam na thā

jail se vāpas aa kar us ne pān.cho vaqt namāz paḌhī
muñh bhī band hue sab ke aur badnāmī bhī ḳhatm huī