Tags-War

tum ko paane ke liye tum ko bhulāne ke liye
dil meñ aur aql meñ ik jañg rahī hai barsoñ

kufr o islām ke jhagḌe ko chukā do sāhab
jañg aapas meñ kareñ shaiḳh o barahman kab tak

jañg apne muqaddar se ḳharīdī hai ki ham ne
ik shaḳhs hai dil de kī jise yaar kiyā hai

huī gar sulh bhī to bhī rahe jañg
milā jab dil to aañkh us se laḌā kī

sāmne phir mire apne haiñ so maiñ jāntā huuñ
jiit bhī jā.ūñ to ye jañg maiñ haarā huā huuñ

tūfān meñ kashtī khete haiñ kohsār se Takkar lete haiñ
ham jañg meñ sar de dete haiñ ham paañv haTānā kyā jāneñ

ek taraf kuchh hoñT mohabbat kī raushan āyāt paḌheñ
ik saf meñ hathiyār sajā.e saare jañg-parast raheñ

shahr se rahtī hai ik jañg musalsal din-bhar
shahr jab hāñpne lagtā hai to ghar jaatā huuñ

ik jañg jo maiñ huuñ
ghirā rahtā huuñ apne aap meñ

tirī taraf se laḌūñgā maiñ terī har ik jañg
rahūñgā saath magar hausla nahīñ dūñgā

phir aglī jañg laḌnā magar is shikast meñ
ye sochnā paḌegā kahāñ kyā kamī rahī

dost dushman haiñ sabhī vaz.a pe qaa.em 'rāhat'
kyā kahūñ jiit ke maiñ jañg kahāñ se aayā

ḳhuun kī ek nadī aur bahegī shāyad
jañg jaarī hai to jaarī hī rahegī shāyad

mire āsmāñ ke liye na thā koī phuul ātish-e-sub.h kā
so mire lahū ke charāġh ne ka.ī sard rātoñ se jañg kī

jañg ke āsār haiñ baaqī abhī
aa rahā hai paas lashkar kā dhuāñ

jakaḌ ke sāñsoñ meñ tash.hīr ho rahī hai mirī
maiñ ek qaid sipāhī huuñ jañg haarā huā

jis ko bhī dekhiye hai vahī dushman-e-sukūñ
kyā daur hai ki jañg-o-jadal chāhte haiñ log

soch le phir koī ta.amīr girāne jaanā
terī ta.amīr se hai jañg ki taḳhrīb se jañg