Tags-Yaad

ba-faiz-e-dard-e-mohabbat maiñ ḳhush nasab, maiñ najīb!
mirā qabīla tirā ġham, mirā nasab tirī yaad

ba-juz hikāyat-e-tū iiñ vajūd-e-chīz-e-nīst
maiñ kul kā kul tirā qissa maiñ sab kā sab tirī yaad

darīñ gumān-kada kullo-man-alaihā-fān
bas ik chhalāvā mirā ishq, ek chhab tirī yaad

bahar sabīl-e-hunar kā safar to jaarī hai
kabhī kuchh aur bahāna, kabhū sabab tirī yaad

yaad har haal meñ rahe vo mujhe
al-ġharaz baat rah ga.ī dil kī

jaane kyuuñ aa ga.ī phir yaad usī mausam kī
jis ne 'shabnam' ko havāoñ se bachā.e rakkhā

ābshār ke rañg to dekhe lagan manDal kyuuñ yaad nahīñ
kis kā byaah rachā hai dekho Dholak hai shahnā.ī hai

yaad aa jaatī hai ḳhud apnī nikhartī tauba
jaam meñ jab mai-e-ḳhush-rañg bharī hotī hai

is tarah yaad tirī dil meñ chalī aa.ī ho
jis tarah koī kalī shāḳh pe muskā.ī ho

din vahī umr bhar kā hāsil haiñ
jo tirī yaad meñ guzāre the

chhurī nā-qadrdānoñ kī ravāñ hai ahl-e-jauhar par
kafan ko yaad karnā 'bahr' dhyān aa.e jo ḳhilqat kā

lag ke chilman se jhāñknā bāhar
yaad vo adh-khulā sā dar aayā

mahshar meñ ittifāq se aayā na zehn meñ
varna tamām umr tirā naam yaad thā

yuuñ guzarte raheñ yaad ke qāfile
merī galiyoñ meñ raunaq sī lagtī rahe

ai ham-nafaso dam lene do bhūle hue naġhme yaad aa leñ
aa.e haiñ chaman meñ uḌ ke abhī chhūTe haiñ isī dam daam se ham

hai yaad qaum ko vo dāstāñ shujā.at kī
chalā.ī aap ne tahrīk jab ḳhilāfat kī

ik ḳhalā dil meñ bahut din se makīñ hai ab to
yaad guzrā huā mausam bhī nahīñ yaar ke saath

taare kirnoñ kī rath par laa.e the us kī yaad
chāñd bhī ḳhvāboñ kā chandan mahkāne baiThā thā

mat pūchho kitnī shiddat se yaad aa.ī thī maañ
aaj maiñ jab chaTnī se roTī khāne baiThā thā

dil jo ik jaa.e thī duniyā huī ābād us meñ
pahle sunte haiñ ki rahtī thī koī yaad us meñ