Tags-Yaad

yaad aa.egī mujhe be-tarah yaad aa.egī tū
ain vaqt-e-mai-kashī āñkhoñ meñ phir jā.egī tū

kabhī kabhī vo mujhe pyaar itnā detā thā
kabhī kabhī bahut aatī thī yaad nafrat kī

jāñ-kanī ke aalam meñ yaad kar ke pyāroñ ko
maut ke farishte se mannateñ bhī kartā hai

rail dekhī hai kabhī siine pe chalne vaalī
yaad to hoñge tujhe haath hilāte hue ham

ek sāġhar bhī ināyat na huā yaad rahe
sāqiyā jaate haiñ mahfil tirī ābād rahe

namāz paḌhtā huuñ aur us ko yaad kartā huuñ
mire ḳhayāl meñ ik pāñchvāñ bhī mausam hai

kyā use yaad aa rahā huuñ 'vasī'
rañg ubhre haiñ us ke gāloñ meñ

vo tamāshā o khel holī kā
sab ke tan raḳht-e-kesarī hai yaad

yuuñ hī sunte raheñ agar dil kī
yaad rakhiye ki jaan jaanī hai

ġhurbat meñ vatan aur ahl-e-vatan kī yaad jab aa jaatī hai mujhe
dil hai ki taḌaptā rahtā hai aur ashk bhī Dhalte rahte haiñ

yaad meñ ḳhvāb meñ tasavvur meñ
aa ki aane ke haiñ hazār tarīq

mujh ko bhī yaad haiñ fiqre sāhib
joḌ bande pe banāyā na karo

hai dard ke intisāb sā kuchh
vo yaad āñgan meñ ḳhvāb sā kuchh

dostī ke parde meñ karte haiñ mujh se dushmanī
tum ko phir aglī jafā.eñ yaad dilvāte haiñ log

bhuul ke tum ko na lī ek saañs bhī
aur tum kahte ho yaad aa.ī nahīñ

kar yaad un dinoñ ko ki ābād thiiñ yahāñ
galiyāñ jo ḳhaak o ḳhuun kī dahshat se bhar ga.iiñ

mujhe vo vaqt vo lamhāt yaad ā.eñge
ye nanhe lawn meñ jab titliyāñ uḌā.eñge

apnā chhoḌā huā ghar yaad aayā
ḳhuld meñ ḳhuld-nazar yaad aayā

kitnī sadiyoñ kī thakan hai jaañ par
ek lamhe kā safar yaad aayā

jis ke saa.e ne jalāyā mujh ko
phir vo sarsabz shajar yaad aayā