Tags-Yaad

muddatoñ baad jo is raah se guzrā huuñ 'qamar'
ahd-e-rafta ko bahut yaad kiyā hai maiñ ne

tumhārī yaad meñ ham jashn-e-ġham manā.eñ bhī
kisī tarah se magar tum ko yaad aa.eñ bhī

har ek lamha yahī bekalī sī hai dil meñ
ki un ko yaad kareñ un ko bhuul jaa.eñ bhī

yaad kā ḳhanjar utārnā thā siine meñ
der tak ik manzar ko ḳhushbū rakhnā thā

shab-e-siyāh meñ kuchh to mujhe suhūlat ho
kisī kī yaad kā taarā uThā ke laayā huuñ

saut hī saut hai tasvīr hī tasvīr hai tū
yaad terī ka.ī bāteñ ka.ī pahlū aa.e

tujhe yaad karte karte
tirī raah takte takte

tirī yaad vo khilaunā jise toḌ bhī na pā.ūñ
kahīñ chhoḌ bhī na pā.ūñ

abhī nisf shab hai guzrī
tujhe yaad kar rahā huuñ tire ḳhvāb dekhtā huuñ

nāḳhudā par mutma.in the bandagān-e-nāḳhudā
ab ḳhudā yaad aa rahā hai mauj-e-tūfāñ dekh kar

lobān meñ chiñgārī jaise koī rakh jaa.e
yuuñ yaad tirī shab bhar siine meñ sulagtī hai

ek ik yaad ko aahoñ se jalātā jā.ūñ
kaam sauñpā hai ajab us ne masīhā.ī kā

kis tavaqqo.a pe sharīk-e-ġham-e-yārāñ hoñge
yaad ham kis ko bhalā ai dil-e-nādāñ hoñge

yaad ik ġham hai ki fariyād fusūñ hai ki junūñ
dard ke rishte haiñ mushkil se numāyāñ hoñge

terī majbūriyāñ durust magar
tū ne va.ada kiyā thā yaad to kar

phir ye rah rah kar kisī kī yaad taḌpātī hai kyuuñ
ab to ham tark-e-mohabbat kī qasam bhī khā ga.e

sukūn-e-qalb to kiyā hai qarār-e-jāñ bhī luTā
tumhārī yaad bhī aa.ī to rāhzan kī tarah

yaad to hoñge zamāne ko vo 'inshā'-o-'nazīr'
yaad to hoñge zamāne ko vo 'mīr' aur 'amīr'

hai shauq yahī mastānoñ ko hai sharm yahī dīvānoñ ko
siine se lagā kar yaad us kī us shoḳh kī puujā karte haiñ

dil ke nazdīk pare aañkh se rahne vaale
kyā ta.alluq hai tirī yaad kā barsāt ke saath