Tags-Yaad

ḳhūb! 'sarvar' tumheñ ummīd-e-karam yaad rahī
kyā sitam hai ki gunāhoñ kī sazā bhuul ga.e

hameñ bhī yaad na aa.ī bahār-e-ishva-tarāz
use bhī hijr kā mausam bahut suhānā thā

hazār ehtiyāt kī hai laakh ġham chhupā.e haiñ
magar taḌap uThā hai dil vo jab bhī yaad aa.e haiñ

har shaam dilātī hai use yaad hamārī
itnī to havā kartī hai imdād hamārī

log gītoñ kā nagar yaad aayā
aaj pardes meñ ghar yaad aayā

jab chale aa.e chaman-zār se ham
iltifāt-e-gul-e-tar yaad aayā

terī begāna-nigāhī sar-e-shām
ye sitam tā-ba-sahar yaad aayā

ham zamāne kā sitam bhuul ga.e
jab tirā lutf-e-nazar yaad aayā

to bhī masrūr thā is shab sar-e-bazm
apne sheroñ kā asar yaad aayā

phir huā dard-e-tamannā bedār
phir dil-e-ḳhāk-basar yaad aayā

ham jise bhuul chuke the 'jālib'
phir vahī rāhguzar yaad aayā

vafā kareñge nibāheñge baat māneñge
tumheñ bhī yaad hai kuchh ye kalām kis kā thā

kisī kī yaad kā saayā thā yā ki jhoñkā thā
mire qarīb se ho kar koī to guzrā thā

yaad meñ kis kī ġhun-ġhunā-unnā
yuuñ bajāte sitār jaate ho

bhūlne vaale agar yaad kabhī aa jā.ūñ
bhīgī palkoñ se faqat ashk-e-nadāmat likhnā

yaad hai pahlī mohabbat kī ḳhumārī ab tak
vo daraḳhtoñ pe tirā naam 'masarrat' likhnā

vo siyāh-rañg shamīm-shām-e-visāl kī jo naved hai
is alam-gazīda firāq meñ vahī zulf yaad phir aa ga.ī

kyā baat huī kyuuñ shahr jalā ab is ke sivā kuchh yaad nahīñ
ik fard sarāpā aag huā pal-bhar meñ huā ik fard havā

tumhārī yaad bhī hai bāz-gasht kī āvāz
jo ek baar pukāro to baar baar aa.e

udāsī zulf kholegī dinoñ kī yaad meñ gum hai
shu.ūr-e-gul ko fikr-e-tishnagī mālūm hotī hai