Tags-Yaad

ā.īna dekhūñ to kyūñkar dekhūñ
yaad ik shaḳhs kī aatī hai mujhe

yuuñ ziyā-bār rahī hijr kī shab yaad tirī
ġham kā sho.ala tire ruḳhsār se baḌh kar chamkā

kis ko kahte haiñ jafā kyā hai vafā yaad nahīñ
ai mohabbat mujhe kuchh tere sivā yaad nahīñ

dekhiye hotī hai kis tarah shab-e-ġham kī sahar
ab to ai dard-e-jigar koī duā yaad nahīñ

ho ga.ī ḳhatm rah-o-rasm-e-mohabbat shāyad
maiñ vafā bhuul gayā un ko jafā yaad nahīñ

yuuñ bhī kar sakte ho barbād-e-mohabbat pe karam
ham ne maanā ki tumheñ ahd-e-vafā yaad nahīñ

dil-e-dīvāna pe ilzām lagāne vaale
jis ne dīvāna banāyā vo adā yaad nahīñ

jis se 'aḳhtar' ho mire dard-e-mohabbat kā ilaaj
kyā masīhā-nafasoñ ko vo davā yaad nahīñ

bach ke nikle jo maut ke muñh se
yād-e-allāh meñ paḌe hue haiñ

dostī kyā hai faqat dost samajh saktā hai
jis ne matlab se kiyā yaad nahīñ samjhegā

usī par jaan dete haiñ jise be-mehr kahte haiñ
jo ham ko bhuul jaatā hai vo aksar yaad aatā hai

kabhī bhulāyā nahīñ yaad bhī kiyā nahīñ hai
ye kaisā jurm hai jis meñ koī sazā nahīñ hai

jitnā bhī sameTeñ āñkhoñ meñ rahtā hī nahīñ kuchh yaad hameñ
yārab vo tilism-e-āriz-o-lab ik roz to azbar ho jaa.e

kyā jaane kyuuñ dil ne terī yaad kā dāman thaam liyā
majbūrī āġhāz huī jab nākāmī anjām huī

kyā kyā na ham ḳharāb hue haiñ magar ye dil
ai yād-e-yār terā Thikāna bahut huā

sukūt-e-shab sitāroñ se havā jab baat kartī hai
tumhārī yaad kī ḳhushbū mire har sū bikhartī hai

za.īfī meñ bhī dil meñ hai yād-e-abrū
kabāda haiñ ḳhud aur kamāñ khīñchte haiñ

vo chup-chāp aañsū bahāne kī rāteñ
vo ik shaḳhs ke yaad aane kī rāteñ

mujhe yaad hai terī har sub.h-e-ruḳhsat
mujhe yaad haiñ tere aane kī rāteñ

mere aage tazkira nāshūq-o-āshiq kā burā
aglī bāteñ mujh ko yaad aatī haiñ ye charchā burā