Tags-Yaad

ab to dil ko na taab hai na qarār
yād-e-ayyām jab tahammul thā

vo qarya-e-mahtāb rahe sub.h-o-masā yaad
kuchh bhī na rahe shahr-e-tamannā ke sivā yaad

anvār kī bārish thī sar-e-manzil-e-taiba
har manzil-e-ḳhush dekh ke aatā thā ḳhudā yaad

ab tak haiñ nigāhoñ meñ dar-o-bām haram ke
ab tak hai mujhe vādī-e-rahmat kī fazā yaad

hai sīrat-e-at.har mirā sarmāya-e-hastī
mahbūb-e-do-ālam kī hai ek ek adā yaad

Duube na kabhī mere muqaddar kā sitārā
ik baar jo kar leñ mujhe mahbūb-e-ḳhudā yaad

qurbān huī jaatī thiiñ rahmat kī ghaTā.eñ
in kāñpte hoñToñ kā hai andāz-e-duā yaad

har ek ke dāman meñ murādoñ ke guhar the
'hāfiz' mujhe darbār kī hai shān-e-saḳhā yaad

bujh jā.egā ik roz tirī yaad kā shola
lekin mire siine meñ dhuāñ yuuñ hī rahegā

payām maut kā hai yaad unheñ mirī kaisī
kuchh aaj aur hī kahtī haiñ hichkiyāñ merī

mire ḳhayāloñ meñ aaj bhī ḳhvāb ahd-e-rafta ke jāgte haiñ
tumhāre pahlū meñ kāhish-e-yād-e-āstāñ thak ke so ga.ī hai

āḳhirī baar maiñ kab us se milā yaad nahīñ
bas yahī yaad hai ik shaam bahut bhārī thī

zaḳhm dabe to phir nayā tiir chalā diyā karo
dosto apnā lutf-e-ḳhās yaad dilā diyā karo

lobān meñ chiñgārī jaise koī rakh jaa.e
yuuñ yaad tirī shab bhar siine meñ sulagtī hai

har nafas yaad hai tirī ai dost
aur manshā-e-bandagī kyā hai

vo fariyād kā ahd phir yaad aayā
phir ik nāla-e-nā-rasā chāhtā huuñ

jab bhī pardes meñ yaad aatā hai ghar kā naqsha
maiñ tasavvur meñ dar-o-bām pahan letā huuñ

yahī vo vaqt hai jab aadmī ko hosh aatā hai
ḳhudā kī yaad se ġhāfil Dil-e-pur-ġham nahīñ hotā

zinda haiñ mire ḳhvāb ye kab yaad hai mujh ko
haañ tark-e-mohabbat kā sabab yaad hai mujh ko

tafsīl-e-ināyāt to ab yaad nahīñ hai
par pahlī mulāqāt kī shab yaad hai mujh ko