Tags-Yaad

ham bhī kyā pāgal the apne pyaar kī saarī pūñjī
us kī ik ik yaad bachā kar pīchhe chhoḌ aa.e haiñ

phir yaad bahut aa.egī zulfoñ kī ghanī shaam
jab dhuup meñ saaya koī sar par na milegā

gūñjtī thiiñ jab tumhārī yaad kī ḳhāmoshiyāñ
dil ke vīrāne nagar meñ jāgtā koī na thā

maiñ bhūlne ko to ik pal meñ bhuul jā.ūñgā
ye sochtā huuñ kahīñ maiñ na yaad aa.uuñ tumheñ

tū nahīñ paas tirī yaad to hai
tū hī to sūjhe jahāñ tak sochūñ

vo tirī yaad kā partav ho ki ho sāya-e-zulf
chain aa jaa.e tabī.at ko kahīñ aa jaa.e

jaise har shai ho kisī ḳhvāb-e-farāmosh meñ gum
chāñd chamkā na kisī yaad ne badlā pahlū

kahīñ ye tark-e-mohabbat kī ibtidā to nahīñ
vo mujh ko yaad kabhī is qadar nahīñ aa.e

kaun kisī kī yaad bhulā.ī jaane ko
tum āñgan shamshān banā.e baiThe ho

tirī hī tarah hameñ yaad aane vaalā ho
tire sivā bhī koī to satāne vaalā ho

tum ko bhī āġhāz-e-mohabbat yaad to hogā kam se kam
pahle-pahal milte hī nazreñ ham donoñ sharmā.e the

guzre va.ade ko vo ḳhud yaad dilā dete haiñ
dil kī soī huī hasrat ko jagā dete haiñ

ab to har baat yaad rahtī hai
ġhāliban maiñ kisī ko bhuul gayā

thī ḳhaar raah terī mizhgāñ kī yaad phir shab
tā-sub.h ḳhvāb chashm-e-bedār tak na pahuñchā

ghar yaad aa rahā thā chale aa.e haiñ magar
ham apne sar pe laa.e haiñ sahrā uThā ke saath

yaad ke is khañDar meñ aksar ham
apne dil kā surāġh paate haiñ

āsmāñ par bane the chehre se
log yaad aa.e bhūle-bisre se

jo lafz bhūlnā chāhūñ vo yaad aatā hai
mirī sazā ke liye aur tāziyāna bhī kyā

ye ḳhudā kī shaan to dekhiye ki ḳhudā kā naam hī rah gayā
mujhe taaza yād-e-butāñ hui jo haram se shor-e-azāñ uThā

zamāna dost hai kis kis ko yaad rakkhoge
ḳhudā kare ki tumheñ mujh se dushmanī ho jaa.e