Tags-Yaad

sañg-e-dar dekh ke sar yaad aayā
koī dīvāna magar yaad aayā

phir vo andāz-e-nazar yaad aayā
chāk-e-dil tā-ba jigar yaad aayā

zauq-e-arbāb-e-nazar yaad aayā
sajda be-minnat-e-sar yaad aayā

har tabassum pe ye khātā huuñ fareb
ki unheñ dīda-e-tar yaad aayā

phir tirā naqsh-e-qadam hai darkār
sajda-e-rāhguzar yaad aayā

jamā kartā huuñ ġhubār-e-rah-e-dost
sar-e-shorīda magar yaad aayā

haa.e vo mārka-e-nāvak-e-nāz
dil bachāyā to jigar yaad aayā

ā.īna ab nahīñ dekhā jaatā
maiñ ba-unvān-e-digar yaad aayā

dard ko phir hai mire dil kī talāsh
ḳhāna-barbād ko ghar yaad aayā

us ko bhūle to hue ho 'fānī'
kyā karoge vo agar yaad aayā

ajab zamāne kī gardisheñ haiñ ḳhudā hī bas yaad aa rahā hai
nazar na jis se milāte the ham vahī ab āñkheñ dikhā rahā hai

thak gayā hai dil-e-vahshī mirā fariyād se bhī
jī bahaltā nahīñ ai dost tirī yaad se bhī

tum bhī ho biite vaqt ke mānind hū-ba-hū
tum ne bhī yaad aanā hai aanā to hai nahīñ

yaad kar ke ro.egā tū sulūk ġhairoñ kā
tū ne 'ḳhāvar' apnoñ se kuchh jo vāsta rakkhā

'kalīm' aaj kyā soch kar ho ga.e chup
are aa ga.e yaad kab ke zamāne

lutf-e-jafā isī meñ hai yād-e-jafā na aa.e phir
tujh ko sitam kā vāsta mujh ko miTā ke bhuul jā

'sa.īd' apnā vatan har aan hī āñkhoñ meñ rahtā hai
usī kī yaad goyā ban ga.ī hai jān-e-jāñ merī

ḳhayāl-e-dost na maiñ yād-e-yār meñ gum huuñ
ḳhud apnī fikr-o-nazar kī bahār meñ gum huuñ

ḳhud apnī yād-e-farāmosh-kār meñ gum huuñ
bahāna ye hai tire intizār meñ gum huuñ

kaise kisī kī yaad hameñ zinda rakhtī hai
ek ḳhayāl sahārā kaise ho saktā hai