Tags-Yaad

jo kahā hai maiñ ne maqāl hai jo namūna hai so misāl hai
mirī sarguzisht hai mājrā tumheñ yaad ho ki na yaad ho

jo chunāñche hai vahī jaisā hai jo che-gona hai vahī kaisā hai
jo chunāñ-chunīñ hai so hā-kazā tumheñ yaad ho ki na yaad ho

vahī ḳhvār hai jo zalīl hai vahī dost hai jo ḳhalīl hai
bad-o-nek kyā hai burā bhalā tumheñ yaad ho ki na yaad ho

hameñ to yaad bahut aayā mausam-e-gul meñ
vo surḳh phuul sā chehra khilā huā ab ke

phuul sūñghe jaane kyā yaad aa gayā
dil ajab andāz se lahrā gayā

yaad hai mujhe ab tak
din vo talḳh maazī kā

'ashfāq' tum ko yaad hai maġhrib ke baad meñ
jaanā chhatoñ pe chāñd se ruḳhsār dekhnā

tū ne agar kiyā na yaad shaq rahegā nā-murād
kaise kaTegī zindagī tere payām ke baġhair

sail-e-ġham-e-duniyā ne dil se kyā kyā naqsh miTā.e
hijr kī rātoñ meñ ab terī shakl bhī yaad na aa.e

tanhā.ī kā sannāTā aur aatī jaatī rāteñ
terī yaad na aur koī ġham phir bhī niiñd na aa.e

jo haq ġharīboñ kā khā rahe ho to yaad rakhnā ai hukmarāno
kahīñ pe tum ko bhī zulmatoñ ke sulagte raqbe bulā rahe haiñ

yaad haiñ aaj bhī 'rasā' vo haath
aur roTī kā vo nivāla mujhe

har na.ī sub.h tirī yaad kā aañsū ban kar
zindagī shaam kī palkoñ se Tapak jaatī hai

yuuñ hai vahshat-kada-e-dil meñ tirī yaad ai dost
jaise sahrā meñ koī phuul khilā hotā hai

kisī kī yaad bhī unvān-e-bevafā.ī thī
paḌe haiñ paañv meñ qabl-e-safar bhī chhāle se

dāna-o-dām se pare merī uḌaan yaad kar
mujh ko talāsh kar na dekh rakhe haiñ bāl-o-par kahāñ

qurbat ke mausamoñ kī adā yaad rah ga.ī
guzrī rafāqatoñ kā asar bhūlne lage

jān-e-'hasan' ab is se ziyāda maiñ kyā kahūñ
mar jā.ūñ terī yaad agar bhūlne lage

khīñch lenā vo mirā parde kā konā daf.atan
aur dupaTTe se tirā vo muñh chhupānā yaad hai

aatā hai yaad mujh ko bachpan kā vo zamāna
rahtā thā saath mere ḳhushiyoñ kā jab ḳhazāna