Tags-Yaad

maiñ rahā umr bhar judā ḳhud se
yaad maiñ ḳhud ko umr bhar aayā

koī sharīk-e-ġham nahīñ ab tirī yaad ke baġhair
koī anīs-e-dil nahīñ ab tire naam ke sivā

ruuh ko taḌpā rahī hai un kī yaad
dard ban kar chhā rahī hai un kī yaad

ishq se ghabrā rahī hai un kī yaad
rukte rukte aa rahī hai un kī yaad

vo hañse vo zer-e-lab kuchh kah uThe
ḳhvāb se dikhlā rahī hai un kī yaad

maiñ to ḳhuddārī kā qaa.il huuñ magar
kyā karūñ phir aa rahī hai un kī yaad

ab ḳhayāl-e-tark-e-rabt-o-zabt hai
ḳhud-baḳhud sharmā rahī hai un kī yaad

kab se baiThī hai udāsī pe merī
yaad kī titlī uḌā chāhtī hai

aaj 'fāriġh' ujḌe ujḌe se haiñ 'ġhālib' kī tarah
yaad thiiñ ham ko bhī rañgā-rañg bazm-ārā.īyāñ

'aḳhgar' kisī kī yaad meñ lāzim hai ek jashn
ḳhūn-e-jigar se ḳhātir-e-mizgāñ kareñge ham

un ne kiyā thā yaad mujhe bhuul kar kahīñ
paatā nahīñ huuñ tab se maiñ apnī ḳhabar kahīñ

biit gayā jo yaad meñ terī ik ik lamhe kā hai dhyān
ulfat meñ jī hārnā kaisā jo khoyā sab paanā hogā

hama kashmakash mirī zindagī kabhī aa ke dekh ye bebasī
tirī yaad vaj.h-e-sukūñ sahī vahī rāz-e-dīda-e-tar bhī hai

dal kī tah meñ 'āzim' un kī yaad rah ga.ī
ġham ubhar ke mere ḳhāl-o-ḳhad meñ aa ga.e

yaad hai tum ko jab bhulā.e the
umr-bhar ke kiye hue va.ade

mujh ko āvāz do ki sub.h kī os
kyā mujhe ab bhī yaad kartī hai

jaise yād-e-imbisāt-o-ġham shakebā.ī ke baad
der tak rote rahe ham bazm-ārā.ī ke baad

koī sard chashma ubaltā huā aur machaltā huā yaad aa.e
jo ho dekhne meñ Tapaktī huī chand būñdeñ

tumheñ sarsarātī havā yaad aa.e
hameñ sarsarātī havā yaad aa.e

yaad kartā huuñ us ko saarā din
aur sar-e-shām bhuul jaatā huuñ