Tags-Yaad

kar rahā thā ġham-e-jahāñ kā hisāb
aaj tum yaad be-hisāb aa.e

tumhāre zikr se yaad aa.e kyā ghaTā ke sivā
hamāre paas koī aur isti.ārā nahīñ

hañs rahā huuñ yaad kar ke ishq kī nādāniyāñ
sun rahā huuñ dāstāñ apnī tire andāz meñ

maiñ to ghabrāyā huā thā ye bahut achchhā huā
yaad un kī aa ga.ī tūfān aadhā rah gayā

hameñ jo yaad hai ham to usī se kaam lete haiñ
kisī kā naam lenā ho usī kā naam lete haiñ

nau-giraftār-e-qafas huuñ mujhe kuchh yaad nahīñ
lab pe shevan nahīñ naala nahīñ fariyād nahīñ

aap zālim nahīñ, zālim hai magar aap kī yaad
vahī kam-baḳht satātī hai barābar mujh ko

tum nahīñ the to sar-e-bām-e-ḳhayāl
yaad kā koī sitāra hogā

ik dhyān ke paañv Dol ga.e ik soch ne baḌh kar thaam liyā
ik aas hañsī ik yaad sunā kar giit ga.ī rut biit ga.ī

koī talab na hasrat kuchh shauq hai na aadat
ab terī yaad merī lāchārī ho ga.ī hai

aur phir kyā huā kuchh yaad nahīñ hai mujh ko
ek bijlī thī ki siine meñ lapaktī huī aa.ī

vaqt-e-ruḳhsat mirī āñkhoñ kī tarah chup thī jo yaad
ai mire dil tirī mānind dhaḌaktī huī aa.ī

bigaḌ jaate the sun kar yaad hai kuchh vo zamāna bhī
koī kartā thā jab merī shikāyat ġhā.ebāna bhī

na bhūlegī hafīz ahbāb ko ye sarguzisht apnī
jahāñ meñ yaad rah jā.egā kuchh apnā fasāna bhī

dhuāñ sā ik uThā kartā hai dil meñ
tirī yaad aah ab bhī kam nahīñ hai

rāt-din gul-ruḳhoñ se sohbat thī
yaad aatā hai ḳhāna-bāġh apnā

usī kā ḳhvāb hai āñkhoñ ke tapte sahrā meñ
usī kī yaad meñ dil bhī machalne lagtā hai

kisī kī yaad hamesha sambhāl rakkhūñ magar
lahū ke saath badan bhī to jalne lagtā hai

dil tirī yaad meñ taḌaptā hai
jaise be-āb ho koī maahī

kahāñ tak yaad rakkheñge vo 'ārif'
koī va.ada kiyā thā kal kisī se