Tags-Yaad

ye yaad rakh ai kāfir-e-bad-kesh qasam hai
mujh sā na koī tujh ko giraftār milegā

tumhārī yaad mujhe is tarah se lagtī hai
koī charāg añdhere meñ jhilmilātā huā

maiñ sab se pahle jise bhūlne meñ jaldī kī
vo yaad aayā dam-e-āḳhrīñ guzarte hue

jab bhī sochūñ maiñ us ke baare meñ
yaad aatī haiñ ḳhūbiyāñ aksar

sadma-e-hijr ke shikvoñ pe vo bole shab-e-vasl
ga.ī guzrī huī bātoñ ko tū ab yaad na kar

ridā-e-hijr pe jo dard kī kaḌhā.ī kī
tumhārī yaad meñ ye pahlī dast-kārī hai

yaad aa.e tū mujh ko bahut jab shab kaTe jab pau phaTe
jab vādiyoñ meñ duur tak kohrā dikhe be-ant sā

vaqt-e-ruḳhsat bhīgtī palkoñ kā manzar yaad hai
phuul sī ā.ankhoñ meñ shabnam kī namī achchhī lagī

bhulā diyā hai ġham-e-rozgār ne jis ko
vo dāstāñ mujhe phir yaad aa.ī jaatī hai

jo dasht meñ milā thā mujhe itnā yaad hai
merā hī naqsh-e-pā thā mujhe itnā yaad hai

phir kyā huā kabhī mirī barbādiyoñ se pūchh
terī taraf chalā thā mujhe itnā yaad hai

itnā lahū lahū to nahīñ thā badan mirā
haañ zaḳhm ik harā thā mujhe itnā yaad hai

vo bhiiḌ meñ khaḌā hai jo patthar liye hue
kal tak mirā ḳhudā thā mujhe itnā yaad hai

maiñ jaise muddatoñ se isī rahguzar meñ huuñ
pal bhar kā fāslā thā mujhe itnā yaad hai

chehra kisī kā ab bhī tasavvur meñ hai 'nafas'
ik ajnabī milā thā mujhe itnā yaad hai

pahlā patthar yaad hamesha rahtā hai
dukh se dil ābād hamesha rahtā hai

us kī yaad ke saare mīThe phal totoñ ne katar liye
yuuñ to ham ne chāroñ kone shor machā.e rakkhā thā

kabhī zikr kiyā tirī zulfoñ kā aur jaatī shaam ko rok liyā
kabhī yaad kiyā tire chehre ko āġhāz-e-sahar karne ke liye

na hālat merī kuchh kahnā na matlab nāma-bar kahnā
jo mumkin ho to ye kahnā tumhārī yaad aatī hai

yād-e-butāñ meñ laakh baar fart-e-qalaq se ham bhī to
baiThe uThe haiñ 'momin' aap gir rahe shab namāz meñ