English
Favourite
Favourite
UrduShayarUrduShayar
Expand menu
Sign inAccount

Tags-Yaad

ḳhatm karnā chāhtā huuñ pech-o-tāb-e-zindagī
yād-e-gesū zor-e-bāzū ban mire shāne meñ aa
Sher
 KHatm karna chahta hun pech-o-tab-e-zindagi
dil hai ki tirī yaad se ḳhālī nahīñ rahtā
shāyad hī kabhī maiñ ne tujhe yaad kiyā ho
Sher
 dil hai ki teri yaad se Khaali nahin rahta
ham use yaad kar sakeñ far-far
is liye paas aa ke baiThe haiñ
Ghazal
 din-o-duniya bhula ke baiThe hain
kaise hairāñ the tum ā.īne meñ jab aañkh laḌī
aaj tak yaad hai is ishq kā āġhāz mujhe
Ghazal
 aankh dikhlane laga hai wo fusun-saz mujhe
apnī yaad letī jaao
ab na rakh sakūñgā maiñ
Nazm
 tanhai
asiir sab haiñ fanā ke hisār meñ lekin
ḳhudā kī yaad se behtar sila milegā hī
Ghazal
 kabhi to dil ka kaha dil se wo sunega hi
tumhāre ābla-pāoñ ko jañgal yaad kartā hai
lahū har ḳhaar se Tapke hai ab lag dast-e-saudā meñ
Ghazal
 junun-awar shab-e-mahtab thi pi ki tamanna mein
qadam qadam pe purāne sabaq bhī yaad aa.e
qadam qadam pe badaltā nisāb bhī jhelā
Ghazal
 kabhi sukun to kabhi iztirab bhi jhela
tere vaade jo tujhe yaad dilā.eñ zālim
haa.e maazī ke vo lamhāt kahāñ se lā.ūñ
Ghazal
 gham se bhige hue naghmat kahan se laun
allāh shab-e-hijr phir aisī na dikhā.e
ghaḌiyoñ to mujhe yaad tirā naam na aayā
Ghazal
 shukr usne kiya lab pe magar nam na aaya
ye kam nahīñ ki julūs-e-jahāñ meñ rah kar bhī
kisī kī yaad kā parcham buland rakhtī huuñ
Ghazal
 main bil-umum jo honTon ko band rakhti hun
ik zamāne se mujhe un se shikāyat hai yahī
yaad karte bhī nahīñ mujh ko bhulāte bhī nahīñ
Ghazal
 meri kashti ko kinare pe lagate bhi nahin
yaad ne har zaḳhm taaza kar diyā
ḳhud ḳhalish apnī jagah lazzat huī
Ghazal
 jaane kya chehre ki ab haalat hui
ham rahe bedār un kī yaad meñ
un ko apne ḳhvāb se nisbat huī
Ghazal
 jaane kya chehre ki ab haalat hui
dam-e-āḳhir tū buto yaad ḳhudā karne do
zindagī bhar to kiyā maiñ ne tumhārā kahnā
Ghazal
 saf kahte ho magar kuchh nahin khulta kahna
baiThe baiThe in kī mahfil yaad aa jaatī hai jab
dekhtī hai ye samāñ taḳh.īl kī ūñchī nigāh
Qita
 baiThe baiThe unki mahfil yaad aa jati hai jab
un kī mahfil ke tasavvur ne phir un kī yaad ne
mere ġham-ḳhāna kī raunaq ko do-bālā kar diyā
Ghazal
 ai nigah-e-dost ye kya ho gaya kya kar diya
jā.eñge duniyā se sab kuchh chhoḌ kar
haañ magar le kar kisī kī yaad ko
Ghazal
 sun ke mere ishq ki rudad ko
kis qadar hogā yahāñ mehr-o-vafā kā mātam
ham tirī yaad se jis roz utar jā.eñge
Ghazal
 hum musafir yunhi masruf-e-safar jaenge
bhulānā hamārā mubārak mubārak
magar shart ye hai na yaad ā.iyegā
Ghazal
 jo ab bhi na taklif farmaiyega
Top Urdushayar.com