Tags-Yaad

barsoñ hue na tum ne kiyā bhuul kar bhī yaad
va.ade kī tarah ham bhī farāmosh ho ga.e

maddham huī to aur nikhartī chalī ga.ī
zinda hai ek yaad jo martī chalī ga.ī

kisī kī yaad kī ḳhushbū ko 'anjum'
maiñ rag rag meñ basānā chāhtā huuñ

ga.ī rutoñ ko bhī yaad rakhnā na.ī rutoñ ke bhī baab paḌhnā
gulāb-chehroñ ne jo likhī hai tamāzatoñ kī kitāb paḌhnā

bhuul kar tujh ko bharā shahr bhī tanhā dekhūñ
yaad aa jaa.e to ḳhud apnā tamāshā dekhūñ

ye chait kā hai mahīna tumhārī yaad bharā
ki in dinoñ baḌī sar-garmiyāñ hamārī haiñ

dil taab hī laayā na Tuk tā yaad rahtā ham-nashīñ
ab aish roz-e-vasl kā hai jī meñ bhūlā ḳhvāb sā

maiñ to chaltā huuñ terī yaad ke saath
rāsta mere saath chaltā hai

shāḳh-dar-shāḳh tirī yaad kī hariyālī hai
ham ne shādāb bahut dil kā shajar rakkhā hai

maiñ baiTh gayā ḳhaak pe tasvīr banāne
jo kibr the mujh meñ vo tirī yaad se nikle

kisī kī yaad se dil kā añdherā aur baḌhtā hai
ye ghar mere sulagne se munavvar ho nahīñ saktā

sāya-e-zulf kabhī aur kabhī dāman kī havā
us ke altāf-o-karam yaad na aa.e kyā kyā

baiTh jaate haiñ tirī yaad liye terrace par
roz karte haiñ mulāqāt udāsī aur maiñ

na.e sāthī tire āñgan meñ jab dhūmeñ machā.eñge
to shāyad ham bhī ai schōl tujh ko yaad ā.eñge

mulā.em uñgliyoñ kī har ibārat yaad hai mujh ko
har ik añgushtarī ko halqa-e-zanjīr paḌh lenā

vo din terī yaad kā din thā
us din maiñ bhuul gayā

kisī ke lamha-e-ulfat kī yād-e-kaif-āvar
dil-e-hazīñ kā sahārā hai dekhiye kyā ho

khel nahīñ hai bad-gumāñ qaul-o-qarār bhūlnā
phir se aazmā ke dekh yaad dilā ke chhoḌ de

Duube hue gulāb meñ vo jism ke ḳhutūt
jab yaad aa.e haiñ

tumhārī yaad baḌhī aur dil huā raushan
ye ek sham.a añdhere ne ḳhud jalā lī hai