Collections

Lab Shayari

Motivational Ghazals

Best Khamoshi Shayari

More Collections

Tags-Yaad

vaqt-e-āḳhir yaad hai saaqī kī mehmānī mujhe
marte marte de diyā añgūr kā paanī mujhe

waqt-e-aKHir yaad hai saqi ki mehmani mujhe

tumhāre dil meñ kahāñ merī yaad kā partav
vo ek halkā sā bādal thā chhaT gayā hogā

kuchh aur gumrahi-e-dil ka raaz kya hoga

vafā na kī na sahī ye bhī yaad hai tujh ko
koī jafā ko bhī tere taras rahā hogā

kuchh aur gumrahi-e-dil ka raaz kya hoga

tū ḳhush hai apnī duniyā meñ
maiñ tirī yaad meñ jaltā huuñ

kya puchhte ho main kaisa hun

ik adhūrī sī kahānī maiñ sunātā kaise
yaad aatā bhī nahīñ ḳhvāb vo bikhrā kaise

ek adhuri si kahani main sunata kaise

jin kā har lafz mujhe yaad hai paanī kī tarah
yaad the mujh ko jo paiġhām-e-zabānī kī tarah

tere KHushbu mein base KHat

ab to ik umr huī yaad na kar luuñ ḳhud ko
huuñ kahīñ zehn meñ ījād na kar luuñ ḳhud ko

ab to ek umr hui yaad na kar lun KHud ko

jaane kis lamha-e-pur-dard kī yaad aa.ī hai
rote rote yūñhī barbād na kar luuñ ḳhud ko

ab to ek umr hui yaad na kar lun KHud ko

jo mahkā rahe terī yaad suhānī meñ
aisī ḳhushbū kahāñ hai raat kī raanī meñ

jo mahka rahe teri yaad suhani mein

yaad meñ hai tere dam kī āmad-o-shud pur-ḳhayāl
be-ḳhabar sab se haiñ is dam kī ḳhabardārī meñ ham

mar gae ai wah unki naz-bardari mein hum

shab josh-e-girya thā mujhe yaad sharāb meñ
thā ġharq maiñ tasavvur-e-ātish se aab meñ

shab josh-e-girya tha mujhe yaad sharab mein

maiñ terī yaad se bahkā chukā huuñ yuuñ dil ko
ki ab mujhe tirī furqat bhī nāgavār nahīñ

ab apne dida-o-dil ka bhi etibar nahin

vaqt ab sar pe vo aayā hai ki sar yaad nahīñ
tere dīvānoñ ko bhī ab tirā dar yaad nahīñ

waqt ab sar pe wo aaya hai ki sar yaad nahin

haa.e vo shab jo tire va.ada-e-shab meñ guzrī
haa.e vo shab hai ki jis shab kī sahar yaad nahīñ

waqt ab sar pe wo aaya hai ki sar yaad nahin

zindagī kaise kaTī dāvar-e-mahshar ye na pūchh
vo safar yaad to hai raḳht-e-safar yaad nahīñ

waqt ab sar pe wo aaya hai ki sar yaad nahin

mere a.amāl pe jaa.e to ye samjhūñgā tujhe
yaad hai dāman-e-tar dīda-e-tar yaad nahīñ

waqt ab sar pe wo aaya hai ki sar yaad nahin

pyaar se ab bhī vo takte haiñ mujhe par un ko
jis ne dil luuT liyā thā vo nazar yaad nahīñ

waqt ab sar pe wo aaya hai ki sar yaad nahin

umr-bhar thaam ke us shoḳh kā dāman ro.e
'soz' kyā us pe huā us kā asar yaad nahīñ

waqt ab sar pe wo aaya hai ki sar yaad nahin

ḳhud ko pahroñ thakātī huuñ maiñ
yaad ke but banātī huuñ maiñ

KHud ko pahron thakati hun main

jab mujhe yaad aatā hai vo
do-jahāñ bhuul jaatī huuñ maiñ

KHud ko pahron thakati hun main