Tags-Yaad

maiñ jinheñ yaad huuñ ab tak yahī kahte hoñge
shāhzāda kabhī nākām nahīñ aa saktā

ik māh-rū kī yaad ne chamkā diyā hai dil
siina hai daaġh daaġh magar tīrgī nahīñ

phir ka.ī zaḳhm-e-dil mahak uTThe
phir kisī bevafā kī yaad aa.ī

yaad kī jhiil meñ jab aks nazar aa.e tirā
aañkh se ashk bhī Tapke to sitārā samjhūñ

magar bhūle nahīñ ho yaad ab tak 'abr-o-'hāmid' kī
'azīz' āḳhir vo quvvat kyuuñ nahīñ baaqī rahī dil meñ

kuchh kār-e-jahāñ jaañ ko ziyāda bhī lage haiñ
kuchh ab ke baras yaad tirī aa.ī bhī kam hai

vo jis ne mujh ko farāmosh kar diyā yaksar
vo shaḳhs mujh ko magar ab bhī yaad kitnā hai

yaad kī ḳhushbū dil ke nagar meñ phailegī
ġham ke saa.e lagte haiñ ab shītal se

yaad rakkhegā mirā kaun fasāna mire dost
maiñ na majnūñ huuñ na majnūñ kā zamāna mire dost

dil ne go laakh ye chāhā ki bhulā duuñ tujh ko
yaad ne terī magar aaj bhī maarā shab-ḳhūñ

tirī chashm-e-mast ne sāqiyā bhare mai-kade ko bhulā diyā
kabhī yaad ban ke baras ga.ī kabhī shīsha ban ke khanak ga.ī

kabhī jo yaad bhī aatā huuñ maiñ to kahte haiñ
ki aaj bazm meñ kuchh fitna-o-fasād nahīñ

tum un ke va.ade kā zikr un se kyuuñ karo 'ġhālib'
ye kyā ki tum kaho aur vo kaheñ ki yaad nahīñ

ambar par taare haiñ jitne
yaad use haiñ qisse utne

ham tirā naza.a talak jaur sahe jaate haiñ
yaad ā.eñge bahut itnā kahe jaate haiñ

dil-e-vārafta kī bāteñ 'bāqī'
yaad kar kar ke pashemān hue

ye aur baat ki tum hī ne imtihāñ na liyā
sabaq to yaad the saare mujhe mohabbat ke

tumhārī yaad meñ taare shumār kartī huuñ
na jaane ḳhatm kahāñ ho ye silsila sāhab

maiñ jab bhī yaad kī sham.eñ jalā ke rakhtī huuñ
ye merī zid hai ki aage havā ke rakhtī huuñ

nahīñ hai ghar meñ tirī yaad ke alāva kuchh
to kis ke sāmne chaa.e banā ke rakhtī huuñ