English
Favourite
Favourite
UrduShayarUrduShayar
Expand menu
Sign inAccount

Tags-Yaad

ba.ad mere jo kiyā shaad kisī ko to kahā
ham ko is vaqt vo nāshād bahut yaad aayā
Sher
 baad mere jo kiya shad kisi ko to kaha
zīna-dar-zīna jab terī yaad utar kar aatī hai
muñh baa.e ash.ār hamāre hairānī meñ rahte haiñ
Ghazal
 donon jaanib qaid-shuda is KHush-fahmi mein rahte hain
jab kisī yaad ke mandir meñ gajar bol paḌā
ik mo.azzin bhī sar-e-vaqt-e-sahar bol paḌā
Ghazal
 jab kisi yaad ke mandir mein gajar bol paDa
apne bachchoñ ke khilaune to use yaad rahe
ghar meñ bīmār paḌī maañ kī davā bhuul gayā
Ghazal
 kaun si shaKH ka patta tha hara bhul gaya
ġhair phir ġhair haiñ āḳhir haiñ phir apne apne
yaad kartā hai tire paas mirā dil mujh ko
Ghazal
 ta-sahar ki hai fughan jaan ke ghafil mujhko
baiTh jaatā hai thakā dard yahāñ aa ke kabhī
yaad kyā hai tirī dīvār kā saaya mujh meñ
Ghazal
 tujhko dekha to meri aankh ne dekha mujh mein
bad-qismatoñ kā yaad na karne pe hai ye haal
allāh agar vo yaad hī aa.eñ to kyā kareñ
Ghazal
 un ko bulaen aur wo na aaen to kya karen
rātoñ ke dil meñ yaad basā.eñ kisī kī ham
'aḳhtar' haram meñ vo na bulā.eñ to kyā kareñ
Ghazal
 un ko bulaen aur wo na aaen to kya karen
kyā kaheñ ham ki guzar jaatī hai dil par kyā kyā
yaad aatī hai jo rah rah ke ināyat terī
Ghazal
 hum ko malum hai baaton ki sadaqat teri
duā.eñ yaad karā dī ga.ī thiiñ bachpan meñ
so zaḳhm khāte rahe aur duā diye ga.e ham
Ghazal
 sitara-war jale phir bujha diye gae hum
jab bhī rāhoñ meñ nazar aa.e harīrī malbūs
sard aahoñ meñ tujhe yaad kiyā hai maiñ ne
Nazm
 shikast
jalte ḳhemoñ meñ hamārī nasl roñdī jā.egī
yaad rakkhegī hamāre baad ye duniyā hameñ
Ghazal
 sazishon ke daur mein mausam ne yun jakDa hamein
kisī kī yaad meñ kaT jaa.e zindagī saarī
ik aarzū to hai lekin ye aarzū bhī kyā
Ghazal
 ye teri chah bhi kya teri aarzu bhi kya
vo aalam yaad hai jab dil khiñchā jaatā thā pahlū se
kashish pahlī sī kyā baaqī nahīñ lafz-e-mohabbat meñ
Ghazal
 agar rona hi ab mera muqaddar hai mohabbat mein
ab to behtar hai yahī kuchh bhī na yaad aa.e 'na.īm'
mausam-e-gul meñ kise khoyā thā kyā paayā thā
Ghazal
 sach to ye hai ki use dhup ne garmaya tha
tujhe dekhūñ to mujhe yaad ye kaun aatā hai
tū ne ye rañg bhalā kis ke churā.e hue haiñ
Ghazal
 ye jo sar hum teri chaukhaT se lagae hue hain
kis liye yaad dilāte ho abhī rahne do
kyā huā ham jo koī baat bhulā.e hue haiñ
Ghazal
 ye jo sar hum teri chaukhaT se lagae hue hain
kisī kāfir ke yaad aate haiñ andāz-o-adā jis dam
nazar ke sāmne kitnī hī tasvīreñ badaltī haiñ
Ghazal
 wahi hai nafs-e-mazmun sirf tadbiren badalti hain
but-ḳhāne meñ kyā yād-e-ilāhī nahīñ mumkin
nāqūs se kyā kār-e-azāñ ho nahīñ saktā
Sher
 but-KHane mein kya yaad-e-ilahi nahin mumkin
maiñ ne kitne din kisī ko yaad rakkhā
vo bhī kyuuñ mere liye rotā rahegā
Ghazal
 tan se jab tak sans ka rishta rahega
Top Urdushayar.com