Tags-Azal

azal se ab talak mujh ko ishāre kar rahā thā jo
shab-e-nā-āshnā se vo sitāra le gayā koī

aaj tak dāman-e-gul chaak hai ḳhayyāt-e-azal
tujh ko ḳhil.at bhī hasīnoñ kā na siinā aayā

khaḌā huuñ jaise abhī tak azal ke ziine par
nazar meñ hai vahī nazzāra-e-jamāl-e-qadīm

ġhuncha-e-dil mard kā roz-e-azal jab khul chukā
jis qadar taqdīr meñ likkhā huā thā mil chukā

vo be-kaif-o-kam hai qadīm-o-azal se
usī se hai ye naqsh-e-dahr-e-kuhan kā

maiñ dīd-bān azal se jidhar bhī dekhtā thā
shikasta jaam paḌā hai ajā.ibāt ke saath

azal se rindoñ ko mai kī aadat hai aur vaa.iz kī sarzanish kī
taḳhāluf-e-vaz.a se hai jhagḌā na dostī hai na dushmanī hai

azal se hai mujhe darpesh dā.eroñ kā safar
jo mustaqīm hai yā rab vo rāsta hai kahāñ

sitam-shi.ār azal se hai husn kī fitrat
jo maiñ vafā bhī na kartā to vo jafā karte

ai ishq-e-azal-gīr o abad-tāb
ye ḳhvāb mire ḳhvāb nahīñ haiñ ki mire ḳhvāb haiñ kuchh aur

ai ishq-e-azal-gīr o abad-tāb
kuchh ḳhvāb ki madfūn haiñ ajdād ke ḳhud-sāḳhta asmār ke nīche

ai ishq-e-azal-gīr o abad-tāb
ai kāhin-e-dānish-var o a.ālī-guhar o piir

ai ishq-e-azal-gīr o abad-tāb mere bhī haiñ kuchh ḳhvāb
mere bhī haiñ kuchh ḳhvāb

ai ishq-e-azal-gīr o abad-tāb
mere bhī haiñ kuchh ḳhvāb!

partav-fagan huā jo ruḳh-e-qibla-e-anām
mash.hūr ho ga.ī vo zamīñ arsh-ehtishām

'rind' huuñ roz-e-azal se huuñ maiñ vārafta-mizāj
is liye taur-e-suḳhan bhī apnā rindāna huā

azal se ye rivāyat hai hamārī
uThāyā hai sitam Dhāyā nahīñ hai

jitne dil ḳhaak hue roz-e-azal se ab tak
aaj un sab kā nishāñ detī hai turbat merī

azīz-e-nā-tavāñ ke sāmne kohsār-e-ġham halkā
magar ehsān ke tinke azal se un pe bhārī haiñ

maut kā vaqt muayyan hai azal se is meñ
kisī lamhe kī bhī mohlat nahīñ milne vaalī