Tags-Azal

'nabīl' roz-e-azal se the jaise vaise haiñ
sitamgaroñ ke sitam haiñ lagān bhī ham bhī

shaiḳh sāhab to azal se haiñ dushman mere
khā ke qur.āñ kī qasam jhūTī gavāhī deñge

sharh-e-jamāl kiije shahādat ke mā-sivā
husn-e-azal kī baat rivāyat ke mā-sivā

hazrat-e-ādam se tā iiñ dam hue sab ishq dost
hai azal se daur daura husn kī sarkār kā

azal abad to faqat havāle haiñ vaqt kī be-maqām gardish
ḳhabar nahīñ hai thame kahāñ par kahāñ se jaane chalī huī hai

ye kaisī sargoshī-e-azal sāz-e-dil ke parde hilā rahī hai
mirī samā.at khanak rahī hai ki terī āvāz aa rahī hai

thā azal se dil-e-'āzam' meñ koī aur makīñ
us meñ kyā ishq hasīnāñ kī samā.ī hotī

azal se us kā hī aasrā hai jo dene vaalā murādoñ kā hai
barā.e-fil-faur umīd-e-dil ko jo chūmne us ke dar ko chaliye

maiñ rūh-e-ālam-e-imkāñ meñ sharh-e-azmat-e-yazdāñ
azal hai merī bedārī abad ḳhvāb-e-girāñ merā

tai shuda hai yahāñ anjām azal se sab kā
faisla vaqt ke juzdān meñ rakkhā gayā hai

sīna-e-shā.ir ġham se bharā hai aañkh magar namnāk nahīñ hai
roz-e-azal se hai dīvāna dāman lekin chaak nahīñ hai

jo tishna-e-kām-e-azal the vo tishna-kām rahe
hazār daur meñ miinā o jaam bhī aa.e

mohabbat hai azal ke din se shāmil merī fitrat meñ
bilā tafrīq shaiḳh o barhaman se ishq hai mujh ko

kunj-e-qafas ko sauñpā roz-e-azal qazā ne
ne daam jāntā huuñ ne daana jāntā huuñ

azal se tīra-baḳht-e-ishq ke hisse meñ aayā hai
shab-e-ġham-e-dil kā jal jal kar charāġh-e-tūr ho jaanā

sukūñ kā kaam kyā is mai-kade meñ
azal se hā-o-hū hai aur maiñ huuñ

roz-e-azal se kār-gah-e-hast meñ 'suhail'
dil hī ġham-e-hayāt kā mehvar milā mujhe

use sub.h-e-azal inkār kī jur.at huī kyūñkar
mujhe mālūm kyā vo rāz-dāñ terā hai yā merā

sub.h-e-azal hai kab se mire intizār meñ
jī chāhtā hai tāq-e-abad meñ paḌā rahūñ

azal se kar rahī hai zindagānī tajrabe lekin
zamāna aaj tak samjhā nahīñ suud o ziyāñ apnā