Tags-Zindagi

kuchh is tarah guzārā hai zindagī ko ham ne
jaise ki ḳhud pe koī ehsān kar liyā hai

sājida
shaam hai zindagī kī

ḳhalish kī tah meñ sukūñ milegā alam kī tah meñ ḳhushī milegī
baġhaur dekho to maut meñ bhī tumheñ na.ī zindagī milegī

ġham-o-musarrat mileñge bāham to zindagī bhī chamak uThegī
ye rū hai manfī ye rū hai musbat milegī ye raushnī milegī

ḳhvāhishoñ ke saath apne nafs ko bhī kar fanā
zindagī meñ is se behtar koī qurbānī nahīñ

zindagī tujh ko tire dard ke har ik pal ko
ham ne jis tarah guzārā hai ḳhudā jāntā hai

ab ijāzat de ki maiñ huuñ jāñ-ba-lab ai zindagī
maut aatī hai bas ab hadd-e-adab ai zindagī

kis liye ab tak jiyā huuñ aur kyoñ zinda rahūñ
apne hone kā batā mujh ko sabab ai zindagī

kyoñ banī hai jaan kī dushman mirī mujh ko batā
tere pīchhe maiñ bhalā bhāgā huuñ kab ai zindagī

husn daulat dost duniyā dil nazar har ek shai
chhoḌ jā.ūñgā tirī ḳhātir ye sab ai zindagī

sochtā huuñ kyā karegī mere bin tanhā bhalā
chhoḌ jā.ūñgā tujhe ik roz jab ai zindagī

saath rah kar bhī duur duur hai tū
zindagī kī ye dil-lagī to dekh

merī mayyat pe use ḳhāk-basar bhī dekho
zindagī-bhar kī riyāzat kā samar bhī dekho

aur bhī do-gām ai mahrūm-e-aish-e-zindagī
hadd-e-girya se zarā aage dayār-e-naġhma hai

zindagī ko zindagī ke vāste
roz jiinā roz marnā chāhiye

us bhiiḌ meñ savāl mirī zindagī kā thā
dastār thāme haath meñ tū bhī guzar gayā

zindagī bhī haqīqat meñ ik jurm hai
umr bhar kāTtā hai sazā aadmī

log kyuuñ zindagī pe marte haiñ
mere haq meñ to ye qayāmat hai

mirā mizāj mirā tarz-e-zindagī hai judā
na ho sakegā mire ghar meñ bhī guzar merā

qalam uThā.ūñ ki bachchoñ kī zindagī dekhūñ
paḌā huā hai dorāhe pe ab hunar merā