Tags-Zindagi

ai ġham-e-zindagī na ho nārāz
mujh ko aadat hai muskurāne kī

hama kashmakash mirī zindagī kabhī aa ke dekh ye bebasī
tirī yaad vaj.h-e-sukūñ sahī vahī rāz-e-dīda-e-tar bhī hai

fanā kā hosh aanā zindagī kā dard-e-sar jaanā
ajal kyā hai ḳhumār-e-bāda-e-hastī utar jaanā

vo saudā zindagī kā hai ki ġham insān sahtā hai
nahīñ to hai bahut āsān is jiine se mar jaanā

lamhāt-e-yād-e-yār ko sarf-e-duā na kar
aate haiñ zindagī meñ ye aalam kabhī kabhī

zindagī phir se gudgudā jaa.e
muskurā.e to koī baat bane

vasl kī zindagī bhī hotī hai
ye batā.eñ to koī baat bane

huī hai sham.a gul ab pyaar vaalī
jaleñ kaise diye ab zindagī ke

hamāre shānoñ pe hai bojh zindagī kā magar
hamīñ ko fikr-e-azāb-o-savāb karnā hai

har qadam par maiñ tirā bojh uThā.ūñ kaise
zindagī terī zarūrat mujhe le Dūbegī

zindagī ek hī chehre pe guzārī ham ne
ham ne pahnā na kabhī ham ne utārā chehra

kahīñ par baiTh kar ārām kī lo saañs nā-mumkin
mujhe ik qahr sī ye zindagī ma.alūm hotī hai

amal se zindagī bantī hai jannat bhī jahannam bhī
ye ḳhākī apnī fitrat meñ na nuurī hai na naarī hai

tākīd-e-zabt ahd-e-vafā izn-e-zindagī
kitne payām ik nigah-e-muḳhtasar meñ haiñ

dil meñ jab tak na be-kalī hogī
kitnī be-jān zindagī hogī

zindagī par lagā na har ilzām
kuchh ḳhatā terī bhī rahī hogī

dil meñ kuchh karne kī tamannā rakh
zindagī varna maut sī hogī

tujh se mil kar ye huā hai mahsūs
zindagī aaj milī ho jaise

jo pūchhte haiñ ki ye ishq-o-āshiqī kyā hai
vo jānte nahīñ maqsūd-e-zindagī kyā hai

tirī zindagī tabassum mirī zindagī talātum
mirī zindagī haqīqat tirī zindagī fasāna