Tags-Zindagi

vīrānī-e-hayāt ko phir tuul dījiye
ye merī zindagī kā muqaddam savāl hai

vo jaise ik ḳhayāl thā jo zindagī pe chhā gayā
rifāqateñ thiiñ aur yuuñ ki rū-ba-rū milā nahīñ

maiñ zindagī kī saḳhāvat pe kaañp uThtā huuñ
ki be-dareġh ye zālim luTā rahī hai mujhe

yuuñ ma.ānī se bahut ḳhaas hai rishta apnā
zindagī kaT ga.ī lafzoñ ko ḳhabar karne meñ

zindagī kā nishān haiñ ham log
ai zamīn āsmān haiñ ham log

zindagī muskurā to de ik baar
ek shab mehmān haiñ ham log

ab bhī lipTe haiñ terī Thokar se
zindagī terī aan haiñ ham log

fasīl-e-jism pe taanī hai karb kī chādar
ham ahl-e-dard se pūchho ki zindagī kyā hai

aa ki ab to dam bhī hai jaise laboñ tak aa gayā
aa ki tere haath meñ ab zindagī kī Dor hai

sāmne mere hai duniyā jyuuñ samundar ret kā
aur sab kī zindagī jaise bavanDar ret kā

mirī kalā merī shā.irī mere fan kā us ko salām pahuñche
ki jis ne mashriq kī azmatoñ ko atā kiye zindagī ke paikar

zindagī se zindagī rūThī rahī
aadmī se aadmī barham rahā

na.ī zindagī ke na.e makr o fan
na.e aadmī kī na.ī chāl-Dhāl

mire zabt-e-alam ne tāb-e-goyā.ī na dī mujh ko
sunātā ahl-e-ālam ko fasāne zindagī bhar ke

ye amal mauja-e-anfās kā dhokā hī na ho
zindagī ishrat-e-ehsās kā dhokā hī na ho

zindagī manāne ko vahm bhī ġhanīmat haiñ
ham bhī vahm hī hoñge vahm agar nahīñ hoñge

zindagī apnī guzrī hai dukh bāñTte, baaḌh kāñToñ kī har har qadam chhāñTte
hijr kī fasl palkoñ tale kāTte jo bhī koh-e-girāñ thā vo sar kar liyā

zindagī-bhar tujhī ko chāhā hai
qarz kuchh to mirā adā kar de

sirhāne bebasī rotī rahī hai
shab-e-ġham zindagī rotī rahī hai

mujhe bachchoñ kī āñkhoñ meñ vo saare rañg milte haiñ
jinheñ chhūne se aa.e zindagī kī ḳhvāhisheñ karnā