Tags-Zindagi

bahut tursh lagne lagī zindagī
koī mīThī mīThī chubhan chāhiye

aish se kyuuñ ḳhush hue kyuuñ ġham se ghabrāyā kiye
zindagī kyā jaane kyā thī aur kyā samjhā kiye

muḳhtasar ye hai hamārī dāstān-e-zindagī
ik sukūn-e-dil kī ḳhātir umr bhar taḌpā kiye

kabhī ḳhirad se kabhī dil se dostī kar lī
na pūchh kaise basar ham ne zindagī kar lī

vaqt ke saath zindagī kā dukh
mire sar par hai har ḳhushī kā dukh

zindagī saarī bandagī merī
merā sajda hai aadmī kā dukh

zindagī saarī rog meñ guzrī
thā ba-zāhir jo ik ghaḌī kā dukh

zindagī ke jitne darvāze haiñ mujh pe band haiñ
dekhnā hadd-e-nazar se aage baḌh kar dekhnā bhī jurm hai

jahān-e-fikr-o-nazar kī uḌā rahī hai hañsī
ye zindagī jo sar-e-rahguzar tamāshā hai

saikḌoñ jiine meñ laale lākhoñ raḳhne ziist meñ
kirm-ḳhurda ai ḳhudā ye zindagī mere liye

is se bichhaḌ ke rone kī fursat nahīñ milī
qirtās-e-zindagī pe ka.ī ġham likhe the aur

muñh par jo ye jale hue dāman kī raakh hai
sho.aloñ meñ zindagī ke nahāte rahe haiñ ham

zindagī aaj terā lutf o karam
kam agar hai to aaj kam hī sahī

zindagī mujh ko mirī nazroñ meñ sharminda na kar
mar chukā hai jo bahut pahle use zinda na kar

tū ne dekhī hai vo peshānī vo ruḳhsār vo hoñT
zindagī jin ke tasavvur meñ luTā dī ham ne

kaun huuñ kyā huuñ kahāñ huuñ mujhe mālūm nahīñ
zindagī tū ne ye kis moḌ pe lā rakkhā hai

mujh se kahtī haiñ vo udaas āñhkeñ
zindagī bhar kī sab thakan yaañ hai

harf ma.anī se judā ho jaise
zindagī koī sazā ho jaise

zindagī dasht-e-balā ho jaise
tujh ko paane kī sazā ho jaise

azal se sūraj abad meñ talāsh jis ko kartā huā gayā hai
sadaf zamīñ hai to zindagī kā guhar mirī ḳhaak meñ milegā