Tags-Zindagi

shāyān-e-jurm-e-ishq na thī qaid-e-zindagī
jī shaad ho gayā rasan-o-dār dekh kar

ḳhāmoshiyoñ meñ Duub ga.ī zindagī kī shaam
āvāz de ke jaane kahāñ chhup gayā hai tū

lagāyā hai dil bhī to patthar se maiñ ne
mirī zindagī kī yahī ik ḳhatā hai

bahut sochā hai ham ne zindagī par
magar lagtā hai kuchh sochā nahīñ hai

ye hasrat rah ga.ī kyā kyā maze se zindagī karte
agar hotā chaman apnā gul apnā bāġhbāñ apnā

har-qadam marhala-e-sabr-o-razā ho jaise
zindagī mārka-e-karb-o-balā ho jaise

sāñseñ atā haiñ jis kī vasā.el bhī us kī den
phir jaise zindagī ho basar sab durust hai

afsurda haiñ zindagī ke tevar
kab tak yūñhī ham basar kareñge

maiñ jab bhī
zindagī kī chilchilātī dhuup meñ tap kar

mehrāb meñ diye kī tarah zindagī guzār
muñh-zor āñdhiyoñ meñ na ḳhud ko niDhāl kar

haa.e vo dard kyā huā jis se thī zindagī mirī
ḳhud hī miTā nahīñ hai dil dil ne mujhe miTā diyā

dostī apnī kisī se na shanāsā.ī hai
zindagī ek musalsal shab-e-tanhā.ī hai

rā.egānī kā āriza hai mujhe
zindagī ek hādisa hai mujhe

aisā ho zindagī meñ koī ḳhvāb hī na ho
añdhiyārī raat meñ koī mahtāb hī na ho

tū chalā gayā hai to shahr phir vahī dasht-e-ġham hai mire liye
vahī maiñ huuñ aur mirī zindagī mire āñsuoñ meñ bharī huī

jab se un kī mehrbānī ho ga.ī
zindagī ab rāt-rānī ho ga.ī

us ne māñgā zindagī sauġhāt meñ
naam us ke zindagānī ho ga.ī

ibtidā-e-zindagī kī sub.h se
shaam tak puurī kahānī ho ga.ī

rūThnā hañsnā manānā pyaar meñ
zindagī kitnī suhānī ho ga.ī

us ne māñgā zindagī sauġhāt meñ
naam us ke zindagānī ho ga.ī