Tags-Zindagi

nā-ḳhudā jab zindagī kā vo 'razā'
paar apnī zindagānī ho ga.ī

ab ke shahr-e-zindagī meñ sāneha aisā huā
maiñ sadā detā use vo mujh ko taktā rah gayā

bādal ambar pe na dhartī pe shajar hai baabā
zindagī dhuup meñ sahrā kā safar hai baabā

haañ tū kahe to jaan kī parvā nahīñ mujhe
yuuñ zindagī se mujh ko mohabbat zarūr hai

dast-bardār zindagī se huā
aur ye saudā mirī ḳhushī se huā

zindagī meñ kasak zarūrī thī
ye ḳhalā pur tirī kamī se huā

gar subuk-bārī kī ḳhvāhish hai to us qātil se phir
zindagī ik bojh hai sar kā utarne se na Dar

hamārī zindagī par maut bhī hairān hai 'ġhā.er'
na jaane kis ne ye tārīḳh-e-paidā.ish nikālī hai

nisāb-e-zindagī jis meñ likhā hai
kitāb-e-dil vo baste meñ paḌī hai

zindagī kī duā.eñ yuuñ denā
zahr ke saath hī davā rakhnā

is kā apnī hī ravānī par nahīñ hai iḳhtiyār
zindagī shiv kī jatāoñ meñ hai gañgā kī tarah

zindagī merī ab us kī qabr meñ mahfūz hai
vo jo mere dil meñ rahtā hai tamannā kī tarah

maut vo din bhī dikhā.e mujhe jis din 'fānī'
zindagī apnī jafāoñ pe pashīmāñ ho jaa.e

maut ne muskurā ke pūchhā hai
zindagī kā mizāj kaisā hai

garmi-e-ishq ke baġhair lutf-e-hayāt rā.egāñ
ishq hai zindagī kā ruup ishq se zindagī javāñ

zindagī vaqt ke pheroñ meñ guzar jaatī hai
maut chupke se dabe paañv chalī jaatī hai

zindagī kā diyā huā chehrā ishq-dariyā meñ dho ke aa.e haiñ
'farhatūllāh'-ḳhāñ ga.e the vahāñ farhat-ehsās ho ke aa.e haiñ

maiñ kis varaq ko chhupā.ūñ dikhā.ūñ kaun sā baab
kisī habīb ne māñgī hai zindagī kī kitāb

rukī rukī sī hai raftār-e-zindagī jaise
hazār ḳhuun ragoñ meñ hai jaan hai tan meñ

har baat jo na honā thī aisī huī ki bas
kuchh aur chāhiye tujhe ai zindagī ki bas