Tags-Zindagi

guzar rahī zindagī ye kaisī jo pūchhte ho to kyā batā.ūñ
ḳhudā se mujh ko gila nahīñ hai magar jo chāhā milā nahīñ hai

na zindagī se mujhe gila hai na zindagī se tujhe gila hai
magar alag is tarah se jiinā tumhīñ kaho kyā sazā nahīñ hai

sehat dil-o-dimāġh baqā aur zindagī
in ne.amatoñ se duur rahe aah aadmī

hama-ārzū hama-be-ḳhudī hama-bandagī hama-be-kasī
yahī chand lamhoñ kī zindagī ise kyuuñ na fursat-e-ġham kaheñ

ho zeyabetis jise us kī davā parhez hai
hai rafīq-e-zindagī ye dukh jo dard-āmez hai

jhūTe va.adoñ par thī apnī zindagī
ab to vo bhī aasrā jaatā rahā

shahīd-e-ishq kī ye maut hai yā zindagī yārab
nahīñ ma.alūm kyuuñ bajtī hai shahnā.ī ka.ī din se

marham-e-vaqt na ejāz-e-masīhā.ī hai
zindagī roz na.e zaḳhm kī gahrā.ī hai

har ghaḌī fikr-e-rāstī kyā hai
ik musībat hai zindagī kyā hai

ye tazādāt ye sarāb ye dil
zindagī kyā hai aadmī kyā hai

dūsrī koī laḌkī zindagī meñ aa.egī
kitnī der lagtī hai us ko bhuul jaane meñ

ḳhair maiñ to isī qābil thā magar ye to batā
zindagī kyā tū kisī ko kabhī raas aa.ī bhī

kabhī jab Dagmagā.ī zindagī kī naav tūfāñ meñ
adā-e-mauj par maiñ ne mohabbat kī ġhazal kah dī

zindagī ik shorish-e-ālām hai mere liye
jo nafas hai gardish-e-ayyām hai mere liye

jo sach pūchho to ham tum zindagī bhar hārte aa.e
hamesha be-yaqīnī ke ḳhatar se kāñpte aa.e

ishq zindagī Thahrā lekin ab ye mushkil hai
zindagī se hotā hai ahd ustuvār apnā

samo na tāroñ meñ mujh ko ki huuñ vo sail-e-navā
jo zindagī ke lab-e-mo'tabar se niklegā

mahāz-e-zindagī ke har muhārib se laḌo sāhab
kabhī aage baḌho sāhab kabhī pīchhe haTo sāhab

dard meñ Duubī huī lai ban ga.ī hai zindagī
bhuul jaate kaash ham ulfat-bhare naġhmāt ko

kitnī tavīl kyuuñ na ho bātil kī zindagī
har raat kā hai sub.h muqaddar na bhūlnā