Tags-Zindagi

fazā-e-zindagī kī zulmatoñ ke marsiya-ḳhvāno
andheroñ hī ke dam se imtiyāz-e-nūr hotā hai

ham bhī the zindagī se gurezāñ tamām raah
shāne pe haath is ne bhī dharne nahīñ diyā

ham ko lauTā de hamārā vo purānā chehra
zindagī tere liye ruup kahāñ tak dhāreñ

tañg aa chuke haiñ kashmakash-e-zindagī se ham
Thukrā na deñ jahāñ ko kahīñ be-dilī se ham

zindagī kī talḳhiyāñ detī haiñ ḳhvāboñ ko janam
tishnagī sahrā meñ dariyā kā samāñ dikhlā.e hai

vajūd-e-zindagī ik khel hai do-chār lamhoñ kā
haqīqat aadmī se us kī pahchānī nahīñ jaatī

har nafas umr-e-guzishta kī hai mayyat 'fānī'
zindagī naam hai mar mar ke jiye jaane kā

aap se vābastagī kyā ḳhuub hai
aap haiñ to zindagī kyā ḳhuub hai

zindagī kī band siipī khul rahī hai
aur us meñ ahd-e-tiflī kā guhar hai

zamāna raqs meñ hai zindagī ġhazal-ḳhvāñ hai
zamāna raqs meñ hai zindagī ġhazal-ḳhvāñ hai

iiñT le gayā koī ret le gayā koī mujh ko zindagī-bhar kā rog de gayā koī
roz kahtā phirtā huuñ maiñ yahāñ vahāñ yaaro ret is nagar kī hai iiñT is nagar kī hai

nūn-mīm-'rāshid' se ham 'nabīl' pūchheñge zindagī to tum bhī ho zindagī to ham bhī haiñ
kis tarah banā.eñ ham nazm kā jahāñ yaaro ret is nagar kī hai iiñT is nagar kī hai

kisī ne mujh se kah diyā thā zindagī pe ġhaur kar
maiñ shāḳh par khilā huā gulāb dekhtā rahā

ḳhud apnī zindagī bhī apnī dastaras meñ nahīñ
qadam qadam pe badaltī hai karvaTeñ kyā kyā

jab bhī manzil tire dāman meñ simaT jaatī hai
zindagī ḳhud ko bhī gumnām nazar aatī hai

salīb-o-dār ke qisse bahut purāne haiñ
salīb-o-dār to hamrāh-e-zindagī aa.e

mauj-e-dariyā ke laboñ par tishnagī hai karbalā
reg-e-sāhil par taḌaptī zindagī hai karbalā

samjhauta kar ke vaqt se chup-chāp baiTh jā
qātil se zindagī ke abhī ḳhūñ-bahā na maañg

zindagī ko gale lagāte kyā
zindagī umr-bhar milī hī nahīñ

maiñ jise apnī zindagī samjhā
sach to ye hai vo merī thī hī nahīñ