Tags-Zindagi

jo shikāyat-e-ġham-e-zindagī kabhī lab par apne na lā sake
vo shab-e-firāq kī dāstāñ bhalā kyā kisī ko sunā sake

dār-o-madār-e-zindagī jis par thā vo bhī to
jaisā samajhte the use vaisā nahīñ rahā

zindagī kitnī hai ajīb-o-ġharīb
zindagī kyā hai ik tamāshā hai

us kī galī se pher ke le aa.e jān-o-dil
kitnā hai zindagī se hameñ pyaar kyā kaheñ

shaam hone vaalī thī jab vo mujh se bichhḌā thā zindagī kī rāhoñ meñ
sub.h jab maiñ jaagā thā vo jo mujh se bichhḌā thā so rahā thā bāhoñ meñ

zindagī kī zulmateñ apne lahū meñ rach ga.iiñ
tab kahīñ jā kar hameñ āñkhoñ kī bīnā.ī milī

ai zindagī naqāb ulaT kar javāb de
fan ham se pūchhtā hai ki fankār kyuuñ hue

zindagī ik fareb-e-paiham hai
muskurā kar fareb khātā jā

ye maanā zindagī meñ ġham bahut haiñ
hañse bhī zindagī meñ ham bahut haiñ

mirā vajūd zindagī kā bhed hai dekh
ye ek hoñT ke sho.ale pe barg-e-gul se ḳharāsh

ik ghaḌī jazba-e-nafrat ke sivā chāhtī hai
zindagī tujh se mohabbat kī duā chāhtī hai

shikāyat zindagī se karte karte
vo ik ik lamha martā jā rahā hai

munfarid phir bhī hai ai husn haqīqat us kī
zindagī ishq kī unvān-e-sad-afsāna sahī

maiñ ne pahlī baar use
zindagī ke peḌ kī sunahrī shāḳhoñ ke darmiyān

maiñ ne zindagī ke peḌ se lipTe azhdahe ko
tiin barābar hissoñ meñ taqsīm kiyā

vo sivā yaad aa.e bhulāne ke ba.ad
zindagī baḌh ga.ī zahr khāne ke ba.ad

the bāġh-e-zindagī ke usī se hī āb-o-rañg
dīvān-e-umr kā bhī vahī intiḳhāb thā

lamha lamha ik na.ī tafsīr hai
zindagī kaisī tirī tasvīr hai

zindagī ko guzārne vaalo
kyā tumheñ apnā intizār nahīñ

tum suno to sināoñ dil kī baat
zindagī is zamīñ pe baar nahīñ