Tags-Zindagi

maiñ aur de sakūñ na tire ġham ko zindagī
aisī to zindagī se mohabbat nahīñ mujhe

zindagī chāra-sāz-e-ġham na sahī
maut hī ġham-gusār ho jaa.e

gilā nahīñ tujh se zindagī ke vo nazariye hī badal ga.e haiñ
mirī vafā vo tire taġhāful kī nauha-ḳhvāñ thak ke so ga.ī hai

samundaroñ se kabhī dasht se guzarne meñ
hue tamām safar zindagī kā karne meñ

safar meñ zindagī ke
maiñ ne dekhā hai

chaman-zār-e-mohabbbat meñ ḳhamoshī maut hai bulbul
yahāñ kī zindagī pābandi-e-rasm-e-fuġhāñ tak hai

maiñ naaz zindagī ke uThātā rahā bajā
par ye mirī vafāt se pahle kī baat hai

zindagī ne ḳhushī ke dhoke meñ
rabt ġham se baḌhā ke dekh liyā

na ishtiyāq-e-nazāra na e'tibār-e-jamāl
Thahar ga.ī hai kahāñ zindagī ḳhudā jaane

zindagī meñ pahle itnī to pareshānī na thī
tañg-dāmanī thī lekin chāk-dāmānī na thī

use zamāne kī gardish miTā nahīñ saktī
ye zindagī nafas-e-jāvedāñ kā hissa hai

ban ke suqrāt jiyo tajraba apnā hai yahī
zindagī zahr-e-halāhal ke sivā kuchh bhī nahīñ

ġharīb ko havas-e-zindagī nahīñ hotī
bas itnā hai ki vo izzat se marnā chāhtā hai

har jalva-e-jamāl se tañg aa chukā hai jī
ik roz zindagī se bhī bhar jaanā chāhiye

dekhiye tāsīr ḳhālī zahr meñ hotī nahīñ
zindagī sūkhī milā kar khā.igā zahr meñ

thā jis pe merī zindagī kā inhisār
usī kā naam dhyān meñ nahīñ rahā

laTkī huī hai ruuh kī suulī pe zindagī
sāñsoñ kā silsila hai ki rassī gale meñ hai

shikva-e-daur-e-jām hai saaqī
zindagī tishna-kām hai saaqī

fursat-e-sabr-o-ajr kis ko ho
zindagī tez-gām hai saaqī

ġham-e-zāt se mirī zindagī ġham-e-kā.enāt meñ Dhal ga.ī
kisī bazm-e-nāz meñ kho ke bhī mujhe kā.enāt se pyaar hai