English
Favourite
Favourite
UrduShayarUrduShayar
Expand menu
Sign inAccount

Tags-Zindagi

zindagī miTtī hai miT jaa.e adā-e-farz meñ
farz kī takmīl par anjām honā chāhiye
Ghazal
 raat-din josh-e-junun se kaam hona chahiye
zindagī chhīn le baḳhshī huī daulat apnī
tū ne ḳhvāboñ ke sivā mujh ko diyā bhī kyā hai
Sher
 zindagi chhin le baKHshi hui daulat apni
jab zindagī sukūn se mahrūm ho ga.ī
un kī nigāh aur bhī māsūm ho ga.ī
Ghazal
 jab zindagi sukun se mahrum ho gai
hālāt ne kisī se judā kar diyā mujhe
ab zindagī se zindagī mahrūm ho ga.ī
Ghazal
 jab zindagi sukun se mahrum ho gai
vahī hai zindagī lekin 'jigar' ye haal hai apnā
ki jaise zindagī se zindagī kam hotī jaatī hai
Ghazal
 tabiat in dinon begana-e-gham hoti jati hai
zindagī zad pe rahī shauq-e-ziyā-pāshī meñ
ye rivāyat bhī mire naam se vābasta hai
Ghazal
 zikr jis ka sahar-o-sham se wabasta hai
is zindagī se khīñchiye 'mehnat' gar apnā haath
phailā ke paañv zauq se ārām kījiye
Ghazal
 hai ankhDiyon mein nind to ek kaam kijiye
is tarah us ko maut de yārab
zindagī merī jis ne chāhī hai
Ghazal
 ya faqiri hai ya ki shahi hai
maktab kī āshiqī bhī tārīḳh-e-zindagī thī
fāzil thā ghar se majnūñ lailā paḌhī likhī thī
Ghazal
 maktab ki aashiqi bhi tariKH-e-zindagi thi
phirtī hai zindagī janāza-ba-dosh
but bhī chup haiñ ḳhudā bhī hai ḳhāmosh
Ghazal
 phirti hai zindagi janaza-ba-dosh
koī merī tarah jiye to sahī
zindagī dar-gulū ajal bar-dosh
Ghazal
 phirti hai zindagi janaza-ba-dosh
zindagī kā tavīl hañgāma
laal sūraj ke thaal se niklā
Ghazal
 zard patta jo Dal se nikla
sad-rashk zindagī hai havādis kā aa.ina
'az.har' is aa.ine meñ zarā muskurā ke dekh
Ghazal
 jalwe hawa ke dosh ye koi ghaTa ke dekh
ye sach hai chand lamhoñ ke liye bismil taḌaptā hai
phir is ke ba.ad saarī zindagī qātil taḌaptā hai
Sher
 ye sach hai chand lamhon ke liye bismil taDapta hai
us ne mujh ko alag bulā ke kahā
aaj kī zindagī kā naam hai ḳhauf
Nazm
 bahrupni
vahī tavīl sī rāheñ safar vahī tanhā
baḌā hujūm hai phir bhī hai zindagī tanhā
Ghazal
 wahi tawil si rahen safar wahi tanha
kisī ne saath nibāhā bhī to bichhaḌne ko
rahī hai apne parāyoñ meñ zindagī tanhā
Ghazal
 wahi tawil si rahen safar wahi tanha
zindagī kā koī ehsās hī baaqī na rahā
zindagī le ke mujhe aaj kidhar aa.ī hai
Ghazal
 aaj jine ki kuchh ummid nazar aai hai
zindagī bhar kī kamā.ī ye ta.alluq hī to hai
kuchh bache yā na bache is ko bachā rakhte haiñ
Sher
 zindagi bhar ki kamai ye talluq hi to hai
zindagī meñ tujh ko paanā aaj tak bhūlā nahīñ
phir tirā chupke se jaanā aaj tak bhūlā nahīñ
Ghazal
 zindagi mein tujhko pana aaj tak bhula nahin
Top Urdushayar.com