Tags-Zindagi

zindagī ġham se sañvartī hai ye maanā lekin
manzil-e-ġham meñ sahārā to kisī ne na diyā

ba.az auqāt mujh ko lagtā hai
zindagī bas nazar kā dhokā hai

'nayyar' ne sādgī se guzārī hai zindagī
makkāriyoñ se apnoñ kī anjān rah gayā

apne lāDloñ se bhī jhuuT bolte rahnā
zindagī kī rāhoñ meñ har qadam pe daao haiñ

raushnī ke saudāgar har galī meñ aa pahuñche
zindagī kī kirnoñ ke āsmāñ pe bhaao haiñ

tirā lutf ātish-e-shauq ko had-e-zindagī se baḌhā na de
kahīñ bujh na jaa.e charāġh hī use dekh itnī havā na de

mirī zindagī kī haqīqatoñ ko na pūñchh aur maiñ kyā kahūñ
mirā dost aaj vahī hai jo mujhe zindagī kī duā na de

yahī zindagī ne sabaq diyā ki kabhī fareb-e-karam na khā
ye umiid rakh na kisī se tū ki miTā sake to miTā na de

tire dil pe haq hai jahāñ kā bhī ye farār-e-ishq ravā nahīñ
ġham-dost ḳhuub hai jab talak ġham-e-zindagī ko bhulā na de

mire dushmanoñ ke laboñ pe thī jo hañsī vo 'mullā' ab uḌ chalī
unheñ Dar hai ab yahī ġham mirā mirī zindagī ko banā na de

bāñhoñ vaalī vo khatiyā ḳhālī hai
raat kyā zindagī hī kaalī hai

zindagī ḳhālī ḳhālī lagtī hai
bas yahī soch dil meñ paltī hai

kaun ab pyaar se pukāregā
kaun ab zindagī sañvāregā

zindagī kis qadar akelī hai
koī uljhī huī pahelī hai

tum ne maañ kī kamī na hone dī
zindagī meñ namī na hone dī

baat ek aur hai jo karnī hai
zindagī is tarah guzarnī hai

aap ke jaane se mahsūs kiyā hai dil ne
zindagī chhoḌ ga.ī be-sar-o-sāmān mujhe

mushkileñ merī tabī.at ko haiñ marġhūb bahut
zindagī chāhiye hargiz nahīñ āsān mujhe

ajnabiyyat ke yaḳh-kadoñ meñ dost
ḳhud kalāmī pe zindagī hai faqat

kar hifāzat matā-e-hairat kī
hāsil-e-zindagī yahī hai faqat