Tags-Zindagi

ik abas kā vajūd hai jis se
zindagī ko murād paanī hai

ḳhushī se maut aa.e ab mujhe marnā gavārā hai
ga.e vo jab se mujh ko zindagī achchhī nahīñ lagtī

pahle apnā ḳhuuñ to bhar duuñ zindagī kī maañg meñ
jab use jaanā hī Thahrā ban sañvar kar jā.egī

phuul le jā.egī saare toḌ kar ḳhvāboñ ke vo
merī shāḳh-e-zindagī ko be-samar kar jā.egī

talḳhi-e-zindagī are tauba
zahr meñ zahr kā mazā na milā

maut hī kuchh sukūn de shāyad
zindagī ne thakā diyā mujh ko

har ik moḌ par ham ġhamoñ ko sazā deñ
chalo zindagī ko mohabbat banā deñ

yahī zindagī musībat yahī zindagī musarrat
yahī zindagī haqīqat yahī zindagī fasāna

saudā-e-zulf-e-yār meñ hai talḳh zindagī
ye zahr ham ne mol liyā saañp paal ke

dāstāñ puurī na hone paa.ī
zindagī ḳhatm huī jaatī hai

zindagī tūfān thī sailāb thī bhauñchāl thī
vaqt phir bhī karvaToñ par karvaTeñ letā rahā

ye zindagī bhī kahīñ ho na shahar-zād kā ruup
shabāna roz kahānī na.ī sunātī hai

dard ne baḌh ke āshkār kiyā
maut par zindagī kā qaabū hai

yahī aan thī mirī zindagī lagī aag dil meñ to uf na kī
jo jahāñ meñ koī na kar sakā vo kamāl kar ke dekhā diyā

qadam to rakh manzil-e-vafā meñ bisāt khoī huī milegī
vahīñ kahīñ naqsh-e-pā kī sūrat paḌī huī zindagī milegī

uThā bhī ab parda-e-takalluf samā bhī jā dil meñ dard ban kar
rahūñgā kab tak maiñ yūñhī behis kabhī mujhe zindagī milegī

hai jor-e-sayyād hī kā sadqa chaman kī hañgāma-āfrīnī
tabāhiyāñ jis jagah pe hoñgī vahīñ kahīñ zindagī milegī

apne liye to ḳhaak kī ḳhushbū hai zindagī
lāzim nahīñ ki āb-o-havā ḳhush-gavār ho

'jāved' kabhī maiñ shādāñ thā mire saath tarab kā tūfāñ thā
phir zindagī mujh se ruuTh ga.ī mirā chain gayā mirī niiñd ga.ī

ye zindagī hai ki aaseb kā safar hai miyāñ
charāġh le ke nikalnā baḌā hunar hai miyāñ