Tags-Zindagi

kaun ḳhush-fahmiyāñ pāltā roz-o-shab
shukr hai zindagī ne rihā kar diyā

phir ik gum-karda-rāh-e-zindagī ko mil ga.ī manzil
sujūd-e-shukr-e-be-pāyāñ adā karne kā vaqt aayā

chand ghanTe shor o ġhul kī zindagī chāroñ taraf
aur phir tanhā.ī kī ham-sā.egī chāroñ taraf

mujh ko samajh na paa.ī mirī zindagī kabhī
āsāniyāñ mujhī se thiiñ mushkil bhī maiñ hī thā

ajab do-rāhe pe zindagī hai kabhī havas dil ko khīñchtī hai
kabhī ye sharmindagī hai dil meñ ki itnī fikr-e-ma.āsh kyuuñ hai

khulī āñkhoñ meñ Thahrā ḳhvāb kaise TuuT saktā hai
gumāñ ye zindagī bhar kā sahārā ho bhī saktā hai

ret par naqsh-e-qadam ko DhūñDhtī
zindagī shām-o-sahar tak aa ga.ī

zindagī sāya-e-gesū se nikal kar chup hai
merī zanjīr ke halqe mujhe vāpas kar de

maiñ samajhtā huuñ use ḳhush-nasīb koī chūmtā hai agar salīb
ki ye sāz-e-marg hī zindagī kā tarāna ho kahīñ yuuñ na ho

jo thī kal vo aaj hai zindagī abhī lā-ilāj hai zindagī
ki masīh-e-asr ke paas us kī davā na ho kahīñ yuuñ na ho

maiñ kahāñ se lā.ūñ vo zindagī jo sarāsar us kī ho bandagī
mirī ruuh kī jo talab hai us kī razā na ho kahīñ yuuñ na ho

mirī zindagī tirī bandagī se judā nahīñ kabhī ġhaur kar
mare ijtihād pe tū ne ġhaur kiyā na ho kahīñ yuuñ na ho

isī vāste abhī zindagī huuñ ki tumhārā chehra hai sāmne
koī aur shaḳhs mirī nazar meñ jachā na ho kahīñ yuuñ na ho

na to dil kā na jaañ kā daftar hai
zindagī ik ziyāñ kā daftar hai

har zabardast kā har zulm sahā hai maiñ ne
zindagī mahz tirī hirs-e-baqā kī ḳhātir

zindagī ik ḳhayāl-ḳhāna hai
aap kā ye ḳhayāl Thiik nahīñ

zindagī se kisī samjhaute ke bā-vasf ab tak
yaad aatā hai koī mārne marne vaalā

us ko bhī ham tire kūche meñ guzār aa.e haiñ
zindagī meñ vo jo lamha thā sañvarne vaalā

chāñdnī chup rahī raushnī chup rahī
merī har baat par zindagī chup rahī

zindagī bhuul ga.ī apne ġhamoñ meñ is ko
daulat dard vafā bhī na lagī haat mire