Tags-Zindagi

hai dhūp-chhāñv kī mānind zindagī merī
sabāt-e-ġham ko nahīñ aarzī ḳhushī merī

kabhī gunāh kabhī hasrat-e-gunāh kā ġham
tamām karb-e-musalsal hai zindagī merī

karāmat us se jo pūchhūñ ki zindagī kyā hai
javāb dene ke badle hubāb māñge hai

jab se gayā hai vo mirā īmān-e-zindagī
kāfir ho jis ke dil meñ ho armān-e-zindagī

hasrat visāl kī hai gulū-gīr hijr meñ
varna abhī maiñ phāḌūñ garebān-e-zindagī

martā jo hijr meñ to na miltā maiñ yaar se
mujh par 'huzūr' bas ki hai ehsān-e-zindagī

zindagī zindagī nahīñ lagtī
koī dhokā huā hai umr ke saath

zindagī merī ik musībat thī
mil ga.e aap mujh ko qismat se

pī hai jo ek buuñd bhī jaag paḌī hai zindagī
aisī sharāb-e-jāñ-fazā kaise harām ho ga.ī

nikle ba-yād-e-mai-kada tāroñ ke saath saath ham
jaam tak aa ke zindagī māh-e-tamām ho ga.ī

aaj vo muskurā diye aaj hamārī zindagī
aag se phuul ban ga.ī phuul se jaam ho ga.ī

zindagī jiine kī zid apnī jagah
bāñdh kar sar se kafan rakhnā bhī kyā

kaash tum samajh saktīñ zindagī meñ shā.er kī aise din bhī aate haiñ
jab usī ke parvarda chāñd us pe hañste haiñ phuul muskurāte haiñ

ab yahī hai vaj.h-e-taskīñ ḳhātir-e-nāshād kī
zindagī maiñ ne dayār-e-husn meñ barbād kī

kafan bāñdhe hue sar se shu.ūr-e-zindagī ubhrā
tirī nazroñ meñ saaqī gardish-e-ratl-e-garāñ kab tak

bazm-e-tarab meñ dosto dekh rahā huuñ maiñ yahī
raqs meñ aadmī to haiñ raqs meñ zindagī nahīñ

qahqahe ashk o tabassum aur fuġhāñ
zindagī kyā zindagī kā raaz kyā

raat hissa hai mirī umr kā jī lene de
zindagī chhoḌ ke tanhā mujhe jaatī kyuuñ hai

kyā kyā na zindagī meñ fareb-e-nazar mile
rahzan the asl meñ jo hameñ rāhbar mile

ġham o ālām haiñ yā hasrateñ haiñ zindagī meñ
tumhāre baad baaqī kyā bachā hai intihā hai