Tags-Zindagi

yahīñ par ḳhatm hotī hai kahānī
judā ab ho rahā huuñ zindagī se

hai itnā hī ab vāsta zindagī se
kī maiñ jī rahā huuñ tumhārī ḳhushī se

mujhe ye zindagī nuqsān kā saudā nahīñ lagtī
maiñ aane vaalī duniyā ko bhī taḳhmīne meñ rakhtā huuñ

ik tilismī shahr hai ye zindagī
pīchhe muḌ kar dekhnā achchhā nahīñ

jo maut hai zindagī ke pīchhe to maut ke pīchhe zindagī kyoñ
ġhamī ke pīchhe bhī gar ḳhushī hai ḳhushī ke pīchhe hai phir ġhamī kyoñ

musir hai is pe mujhe rā.egāñ nahīñ honā
vo zindagī ko marī rā.egāñ banā kar bhī

jab ā.īna koī dekho ik ajnabī dekho
kahāñ pe laa.ī hai tum ko ye zindagī dekho

chamak rahā hai mirī zindagī kā har lamha
maiñ kyā karūñ ki mirī aañkh meñ ziyā hī nahīñ

tum mirī zindagī meñ aa.ī ho
merā ik paañv jab rikāb meñ hai

hai pyaar se hī 'ziyā' zindagānī meñ raunaq
to ye na kahiye ki barbād zindagī kar lī

kiyā hai saath hamāre jo zindagī ne 'munīr'
ravā rakhe na kisī se koī tavā.if bhī

chand lamhoñ kā ye jiinā hai ġhanīmat jaano
zindagī apnī azāboñ meñ na rakkhe koī

sirf karb-e-anā diyā hai mujhe
zindagī ne bhī kyā diyā hai mujhe

dil diyā vahshat liyā aur ḳhud ko rusvā kar liyā
muḳhtasar sī zindagī meñ maiñ ne kyā kyā kar liyā

kuchh to hai baat jo aatī hai qazā ruk ruk ke
zindagī qarz hai qistoñ meñ adā hotī hai

zindagī kī rāhateñ miltī nahīñ miltī nahīñ
zindagī kā zahr pī kar justujū meñ ghūmiye

ai merī zindagī tujh se bichhaḌ kar
mujhe qistoñ meñ jiinā aa gayā hai

vahīñ se dars-e-husn-o-ishq kā āġhāz hotā hai
jahāñ se vāqi.āt-e-zindagī ham bhuul jaate haiñ

shabāb-e-zindagī jalvoñ kā ik ma.asūm nazzāra
hameñ ai dil vo afsāne abhī tak yaad aate haiñ

zindagī kyā hai ik kahānī hai
ye kahānī nahīñ sunānī hai