Tags-Zindagi

lab-e-lālīñ pe ye lahreñ hañsī kī
yahī Duube na kashtī zindagī kī

isī kā naam shāyad zindagī hai
ḳhushī kī ik ghaḌī to ik ġhamī kī

na koī zaḳhm na marham ki zindagī apnī
guzar rahī hai har ehsās ko gañvāne meñ

kaise batā.e koī jiyo kaise zindagī
tū panchhiyoñ ke saath rahe to pata chale

ḳhvāb āñkhoñ meñ ab na.e hoñge
zindagī bhī sañvar ga.ī hogī

maiñ to kab se udaas baiThā huuñ
zindagī kis ke ghar ga.ī hogī

zindagī pur-vaqār chāhtā huuñ
tujh pe bas iḳhtiyār chāhtā huuñ

aql ke jaal meñ phañsī hī nahīñ
zindagī aaj tak khulī hī nahīñ

mujh meñ jiitā rahā sadā koī
zindagī apnī maiñ ne jī hī nahīñ

mere ham-nafas mere ham-navā mujhe dost ban ke daġhā na de
maiñ huuñ dard-e-ishq se jāñ-ba-lab mujhe zindagī kī duā na de

mere dāġh-e-dil se hai raushnī isī raushnī se hai zindagī
mujhe Dar hai ai mire chāra-gar ye charāġh tū hī bujhā na de

shāmil-e-anfās the naġhmāt-e-aish-o-imbisāt
zindagī ke saaz kā har zer-o-bam shāhāna thā

be-ta.alluq zindagī hone kā thā imkāñ hī kyā
zindagī zulf-e-ta.alluq thī muqaddar shāna thā

haañ magar kal ishq ko dekhā ki vo shorīda-baḳht
baḌh chukā thā zindagī meñ maut se dīvāna thā

pechīda zindagī ke karo tum muqaddame
dikhlā hī degī maut natīja nikāl ke

gharoñ kā haal to bāzār se bhī bad-tar hai
jidhar uThāo nazar zindagī mukaddar hai

anā kī sar-kashī ummīd-e-armāñ ḳhvāb kī duniyā
dhaḌakte dil fusūn-e-zindagī meñ aks kis kā hai

aur jiite raheñ ki mar jaa.eñ
bol ai zindagī kidhar jaa.eñ

maanā ki zindagī meñ hai zid kā bhī ek maqām
tum aadmī ho baat to sun lo ḳhudā nahīñ

ik na ik hañgāme par mauqūf hai jab zindagī
mai-kade meñ rind raqsāñ o ġhazal-ḳhvāñ kyuuñ na ho