Tags-Zindagi

aise jiine pe 'rind' ḳhaak paḌe
maut us zindagī pe hañstī hai

aañkh meñ aañsū kā aur dil meñ lahū kā kaal hai
hai tamannā kā vahī jo zindagī kā haal hai

mirī zindagī pe na muskurā mujhe zindagī kā alam nahīñ
jise tere ġham se ho vāsta vo ḳhizāñ bahār se kam nahīñ

tum mil ga.e to koī gila ab nahīñ rahā
maiñ apnī zindagī se ḳhafā ab nahīñ rahā

ab ik andhe kuñ.eñ meñ girte jaanā zindagī hai
ab apne paañv ke nīche zamīñ koī nahīñ hai

maiñ kyā jānūñ gharoñ kā haal kyā hai
maiñ saarī zindagī bāhar rahā huuñ

zindagī ko to samajhtā huuñ maiñ ik jaur-e-azīm
kyā ḳhabar ye sitam ījād kiyā hai kis ne

mustaqil lā-hāsilī ko apnā hāsil maan kar
zindagī ko lamha lamha rā.egāñ karnā tirā

baġhair ishq hai rūdād-e-zindagī tārīk
ye lafz zīnat-e-unvāñ nahīñ to kuchh bhī nahīñ

bas ek moḌ mirī zindagī meñ aayā thā
phir is ke ba.ad ulajhtī ga.ī kahānī mirī

baḌī aarzū thī ham ko na.e ḳhvāb dekhne kī
so ab apnī zindagī meñ na.e ḳhvāb bhar rahe haiñ

zindagī ham se ḳhafā ho jaise
ab davā ho na duā ho jaise

terī furqat meñ huā yuuñ mahsūs
zindagī ek sazā ho jaise

'azm' is arsa-e-nā-murādī se ghabrā ke ye mat kaho
aisī be-rañg sī zindagī kis liye kis jazā ke liye

be-vafā aadmī be-vafā zindagī
jāntā hai agar dil lagātā hai kyuuñ

vo judā kyā hue zindagī bhī ga.ī
āñsuoñ kī jagah ḳhuuñ bahātā hai kyuuñ

chand sāñseñ haiñ mirā raḳht-e-safar hī kitnā
chāhiye zindagī karne ko hunar hī kitnā

sitam kī teġh ye kahtī hai sar na ūñchā kar
pukārtī hai bulandī ki zindagī hai idhar

jalāo ġham ke diye pyaar kī nigāhoñ meñ
ki tīrgī hai bahut zindagī kī rāhoñ meñ

miTte miTte de ga.e ham zindagī ko rañg-o-nūr
rafta rafta ban ga.e is ahd kā afsāna ham