Tags-Zindan

kahtā hai us kī zulf meñ phañs kar ye murġh-e-dil
qaidī to huuñ 'jamīla' pa zindāñ se duur huuñ

yuuñ ubhartī hai dil-e-tār meñ ummīd kī zau
jaise zindāñ ke kabhī rauzan-o-dar khulte haiñ

ye kū-e-yār ye zindāñ ye farsh-e-mai-ḳhāna
inheñ ham ahl-e-tamannā ke naqsh-e-pā kahiye

ūñchī dīvāroñ se bāhar nikal aa.e to khulā
ham ne sīnoñ meñ banā rakkhe haiñ zindāñ baabā

kyā hind kā zindāñ kaañp rahā hai guuñj rahī haiñ takbīreñ
uktā.e haiñ shāyad kuchh qaidī aur toḌ rahe haiñ zanjīreñ

qayāmat hai hamārā ghar hamāre hī liye zindāñ
raheñ pāband ho kar āshiyāñ meñ āshiyāñ vaale

chhoḌ kar zindāñ meñ mujh ko tū ne rāh-e-ḳhuld lī
tere zaḳhm-e-nāvak-e-furqat se maiñ jiitī bachī

kunj-e-ġhurbat maiñ kabhī gosha-e-zindāñ meñ the ham
jān-e-jāñ jab bhī tire aane kā mausam aayā

is ke sivā batā.eñ asīrī kā kyā sabab
ghabrā.e anjuman se to zindāñ meñ aa ga.e

'shor' ḳhāmosh nahīñ mere hī zindāñ ke charāġh
shahr-e-ḳhūbāñ bhī charāġhāñ nahīñ hone paatā

dar-e-zindāñ se dekheñ yā urūj-e-dār se dekheñ
tumheñ rusvā sar-e-bāzār-e-ālam ham bhī dekheñge

ham apnī zaat ke zindāñ se bāhar jo nikal aa.e bhī to kyā
qadmoñ se jo lipTī paḌtī haiñ rāheñ ye nahīñ zanjīreñ haiñ

sabr yā rab mirī vahshat kā paḌegā ki nahīñ
chāra-farmā bhī kabhī qaidi-e-zindāñ hoñge

ek lahza mirī tanhā.ī meñ aa kar dekho
maiñ ne zindāñ meñ bharā shahr basā rakkhā hai

rihā.ī kab mile kis ko patā hai
so ab zindāñ se raġhbat ho ga.ī hai

jo santarī dar-e-zindāñ ke bhī so jā.eñge
ye raag gā ke unheñ niiñd se jagā.eñge

qaid-e-hastī meñ ye ik gosha-e-dāmān-e-ḳhayāl
phir ġhanīmat hai ki zindāñ meñ bhī āzād to huuñ

zindagī kyuuñ na mire maut pe un kī jo log
muskurāte hue zindāñ se sar-e-dār aa.e

Dar rahā huuñ ki agar jaañ se na guzre
to tazabzub ke siyah zindāñ meñ

lafz zanjīr huā
ḳhauf-e-darbāñ hai tazabzub zindāñ