English
Favourite
Favourite
UrduShayarUrduShayar
Expand menu
Sign inAccount

Tags-Zindan

ghar kunj-e-qafas ko bhī banā letī hai bulbul
shāhīñ kī nigāhoñ meñ nasheman bhī hai zindāñ
Ghazal
 kohsar ka KHugar hai na paband-e-gulistan
ḳhatm ham par haiñ shab-e-zindāñ kī saarī saḳhtiyāñ
zehn o dil āzād hogā vo sahar dekheñge log
Ghazal
 is sadi ka jab kabhi KHatm-e-safar dekhenge log
saudā pukārtā hai ye fasl-e-bahār meñ
gulshan na mol lījiye zindāñ ḳharīdiye
Ghazal
 darpesh ajal hai ganj-e-shahidan KHaridiye
ye baat mujhe der se ma.alūm huī hai
zindāñ hai ye duniyā maiñ sazā kaaT rahā huuñ
Ghazal
 KHud apne hi hathon ka likha kaT raha hun
kunj-e-zindāñ meñ paḌā sochtā huuñ
kitnā dilchasp nazāra hogā
Qita
 kunj-e-zindan mein paDa sochta hun
koī sayyād se pūchhe ki o nā-vāqif-e-ulfat
ye dīvāne kahīñ pāband-e-zindāñ ho bhī sakte haiñ
Ghazal
 ilahi kya kabhi pure ye arman ho bhi sakte hain
zanjīr o dīvār hī dekhī tum ne to 'majrūh' magar ham
kūcha kūcha dekh rahe haiñ ālam-e-zindāñ tum se ziyāda
Ghazal
 hum ko junun kya sikhlate ho hum the pareshan tum se ziyaada
kyuuñ jal-bujhe kahīñ to giraftār bolte
zindāñ meñ chup rahe to sar-e-dār bolte
Ghazal
 kyun jal-bujhe kahin to giraftar bolte
dil ke haq meñ siina zindāñ aarzū ke haq meñ dil
saikḌoñ dekhe haiñ lekin ye nayā dekhā qafas
Ghazal
 kya kahen kyunkar hua tufan mein paida qafas
dil ke zindāñ meñ hai ārām bahut
vus.at-e-dasht-numā kyā karnā
Ghazal
 hausla shart-e-wafa kya karna
qaid-e-ġham se hai rihā.ī bahut āsāñ 'nātiq'
sharm is kī hai ki vābasta hai zindāñ ham se
Ghazal
 qaid mein bhi hai junun dast-o-gareban humse
kitne hī dar khul jā.eñge josh-e-junūñ ko baḌhne do
band rahegā kyā dar-e-zindāñ ḳhair nahīñ dīvāroñ kī
Ghazal
 daur-e-sbuhi shola-e-mina raqsan chhanw mein taron ki
ghuur rahā hai merā dil kab se ik ḳhālī pinjre ko
zindāñ se āvāz aatī hai aa jaao zindānī ko
Ghazal
 koi bhi saman nahin hai ab meri hairani ko
ab to vajūd-e-maqtal-o-zindāñ pe aa banī
ab beḌiyāñ na tauq na zanjīr dekhnā
Ghazal
 raqs-e-junun ki garmi-e-tasir dekhna
hai zikr-e-yār kyuuñ shab-e-zindāñ se duur duur
ai ham-nashīñ ye tarz ġhazal kā kabhī na thā
Ghazal
 qadmon se itna dur kinara kabhi na tha
haa.e kyā log the zindāñ meñ bhī ham se pahle
ik din is yaad kī sūrat bhī bikhar aa.egī
Ghazal
 kaam itni hi faqat rahguzar aaegi
arsh-o-kursī se pare rakhte haiñ jo lāñgah-e-fikr
manzar-e-dahr ko ham rauzan-e-zindāñ samjhe
Ghazal
 dard samjhe na koi dard ka darman samjhe
aayā thā shahr-e-gul se bulāvā mire liye
zindāñ meñ beḌiyoñ kī chhanak chhoḌ kar gayā
Ghazal
 lahje ka ras hansi ki dhanak chhoD kar gaya
baat ye hai ki sukūn-e-dil-e-vahshī kā maqām
kunj-e-zindāñ bhī nahīñ vus.at-e-sahrā bhī nahīñ
Ghazal
 sar mein sauda bhi nahin dil mein tamanna bhi nahin
pyaar mohabbat hamdardī ke rishte the insānoñ meñ
dil vāloñ ko ab ye duniyā zindāñ hotī jaatī hai
Ghazal
 dil ki KHwahish baDhte baDhte tufan hoti jati hai
Top Urdushayar.com